De Gazastroôke (Araobisch: قطاع غزة — Qita' Ghazza, Hebreêuws: רצועת עזה — Retzu'at 'Azza, Iengels: Gaza Strip) is 'n gebied in de streek Palestina. 't Leit an d'n oôstoever van de Middellanse Zeê tehen de Negev en de Sinaï. 't Hrenst an Israël en Ehypte en vormt 't zuudelijk deêl van 't èrteland van de Filistijnen uut 't Ouwe Testamant van d'n Biebel.[1]
![Thumb](http://upload.wikimedia.org/wikipedia/commons/thumb/6/69/Gazastrook_Nederlandstalige_kaart.svg/640px-Gazastrook_Nederlandstalige_kaart.svg.png)
![Thumb](http://upload.wikimedia.org/wikipedia/commons/thumb/3/3b/%D8%BA%D8%B2%D8%A9.jpg/640px-%D8%BA%D8%B2%D8%A9.jpg)
D'r weune 2.227.000 mins'n (2023) op 'n oppervlakte van 365 km² (onheveer geliek an de landoppervlakte van Zuud-Beveland), dat is rond 6100 inweuners per km².[2] De inweuners binne Araobieren (Palestijnen). Bienae iedereen is moslim. 'Oôdstad is Gaza.
De Gazastroôke was deêl van 't Mandaotgebied Palestina en wier in 1948 deu Ehypte en in 1967 tiedens de Zesdaegse Oôrlog deu Israël veroverd. In 2005 ei Israël de Gazastroôke helemael ontruumd en kreeg 't volledig Palestijns zelfbestier maer Israël controleêrt wel de hrenzen. Sins 2007 wor 't deu de islamitisch-nationaolistische terreurbewegieng Hamas gereheerd.
Hamas, Islamitische Jihad (PIJ), Comités van Volksverzet (PRC) en andere Palestijnse terreurbewegiengen schieten vanuut de Gazastroôke voortdurend raketten op Israël. Israël antwoordt mie bombardementen en soms mie invallen.
Belangrieke steê binne:
Zie ok
Noôten
Lienks nae buten
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.