9ice
Olorin Naijiria From Wikipedia, the free encyclopedia
Olorin Naijiria From Wikipedia, the free encyclopedia
9ice, tí orúkọ rẹ jẹ Alexander Ábọ̀lọrẹ Adégbọlá Àkàndé (wọ́n bí ni ọjọ́ kẹtàdínlógún Oṣù Ṣéẹ́rẹ́, ọdun 1980), ó jẹ́ olórin, òǹkọ̀tàn-orin, oníjó ọmọ orílẹ̀èdè Nàìjíríà. Ó gbajúmọ̀ fún ìgbédègbẹyọ̀ rẹ̀, òwe lílò àti àgbékalẹ̀ orin rẹ̀ lọ́nà àrà.
Ìdílé olórogún ni 9ice ti wá, bàbá rẹ̀ ní ìyàwó márùn-ún àti ọmọ mẹ́sàn-àn ní Ìlú Ògbómọ̀ṣọ́, Ìpínlẹ̀ Ọ̀yọ́ ní Ìwọ̀-oòrùn Nàìjíríà. Ó dàgbà ní agbègbè Shomolu Bàrígà, Èkó. Ó wù 9ice láti jẹ́ olórin. Àwọn òbí rẹ̀ ṣe àkíyèsí ẹ̀bùn orin kíkọ rẹ̀, wọ́n sì gbà á láàyè láti di olórin.[1] Ó ni ìyàwó tí orúkọ rẹ̀ ń jẹ́ Adẹ́tọ́lá Anífálájé, Ọlọ́run sì fi ọmọ jíìkí wọn.
Ní odun 2014, 9ice du ipò lábẹ́ Àsìá All Progressive Congress(APC) láti di aṣojú-ṣofin nílé Ìgbìmọ̀ Aṣofin ṣùgbọ́n kò wọlẹ́ ìbò. Nínú ìdìbò inú-ilé (Primaries) ló ti jákulẹ̀.Gómìnà Abíọ́lá Ajímọ̀bi sì fi jẹ oludàmọ́ràn pàtàkì sí gómìnà.
9ice lọ sí ilé-ẹ̀kọalákọ̀bẹ́ẹ̀rẹ̀ ẹ Abúlé Okuta àti Ilé-ẹ̀kọ́ Gírámà CMS. Kò kẹ́kọ̀ọ́ gboyè nínú ẹ̀kọ́ ìmọ̀ òfin tí ó lọ ṣe ní Yunifásítì Ìpínlẹ̀ Èkó, ní ṣe ló gbájúmọ́ iṣẹ́ orin tí ó yàn láàyò. Ó bẹ̀rẹ̀ orin kíkọ ni ọdún 2000, ó fẹ́ràn Pasuma Wonder. Kẹ́sẹ́ tí ó ń gùn ún láti fi gbe orin rẹ̀ kalẹ̀ ni àwọn ìṣẹ̀lẹ̀ àdúgbò rẹ̀ àti àwọn olórin aṣáájú tí rí ó rí bí àwókọ́ṣe bíi
Ebenezer Obey, King Sunny Adé, TÀlàmú Alamu, olóògbé AÀyìnláAỌmọwúraoàti , ati ològbé AHarunaHaruna Ishola.
Ní ọdún 1996, ló kọ́kọ́ ṣe rẹ́kọ̀ọ̀dù alápèjúwe tí ó pè ní Risi de Alagbaja ṣùgbọ́n ọdún 2000 ló tó gbé rẹ́kọ̀ọ̀dù àkọ́kọ́ rẹ tí ó pè ni Little Money jáde.
Ní ọdún 2008, 9ice gbé orin Gọngọ Ásọ. Tí orin náà sí gbalẹ̀ káàkiri, èyí sì mú kí wọ́n sọ pé kí ó wà kọ orin níbi ọjọ́ọ̀bí àádọ́rùn-ún ọdún Nelson Mandela ní ìlú London, United Kingdom ní Oṣù Òkudù 2008. Ó gba àmì ẹ̀yẹ olórin tàkasúfèé tí ó dára jù lọ ní MTV Africa Music Awards.
Gọngọ Aṣọ náà gbà àmì ẹ̀yẹ mẹ́rin níbi 2009 Hiphop World Awards tí ó wáyé ní International Conference Centre, Abuja.
Ní ọdún 2020, 9ice gbé àwo orin mìíràn jáde ti ó pè ní "Tip of the Iceberg". Òun ni olùdásílẹ̀ àti alákòóso iléeṣẹ́ agbórin-jáde Alápòméjì Ancestral Record
9ice máa ń lo èdè Yorùbá nínú àwọn orin é. Nígbà mìíràn ó má ń lo àwọn Òwe èdè Yorùbá, tàbí kí ó ṣe àmúlùmúlà pẹ̀lú èdè Hausa, Igbo tabi èdè òyìnbó.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.