שרגא פייוול מענדלאוויטש

שרגא פייוול מענדלאוויטש (תרמ"ו-תש"ח) איז געווען פון די ערשטע מנהיגים פון פרומע יידן אין אמעריקע. ער האט געגרינדעט די וויכטיגע מוסדות תורה ודעת, א ישיבה אין ברוקלין, און די חינוך ארגאניזאציע תורה ומסורה. ער איז געווען דער נחשון בן עמינדב וואס האט וואס האט איינגעפלאנצט עכטיידישן חינוך אין די פאראייניגטע שטאטן. הר"ר משה פיינשטיין האט געזאגט אויף אים:"ווען נישט ער וואלט געווען אין אמעריקא נישט קיין לימוד התורה און נישט קיין יראת שמים".

שרגא פייוול מענדלאוויטש

געבורט	1886 סלאוואקיי
טויט	1948 (אלט 62 בערך)
קבורה ארט	שומרי שבת בית החיים
פאך	רב

ביאגראפיע

שרגא פייוול איז געבוירן אין שטעטל מעזשילאבריץ, סלאוואקיי (דעמאלטס א טייל פון אונגארן) אין ה'תרמ"ו. זיינע רבי'ס זענען געווען דער ערוגת הבושם פון חוסט, דער באר שמואל פון אונסדארף און דער שבט סופר פון פרעשבורג, ביי וועמען ער האט איינגעזאפט א חשקת התורה.

אום ה'תרע"ג איז ר' שרגא פייוול איינגעוואנדערט קיין אמעריקע, וואו ער האט אנגעהויבן זיין תפקיד פון פארשפרייטן תורה אין סקרענטאן, מאסאטשוסעטס. נאכהער איז ער געווארן דער ערשטער מנהל פון ישיבת תורה ודעת, וואס ער האט אנטוויקלט אויף א מוסד פונעם ערשטן ראנג.

אום ה'תר"ף האט ער אריבערגעפירט זיין משפחה פון אונגארן אין אמעריקע, און זיי האבן איינגעזעצט אין וויליאמסבורג, ברוקלין.

חינוך

ער פלעג אריינגעגעבן אין זיינע תלמידים א ישיבישן דרך הלימוד מיט א חסידישן ברען. זיינע בעסטע תלמידים האט ער אוועקגעשיקט כדי אויפצושטעלן און מחזק צו זיין נייע ישיבות,^[1] למשל, מתיבתא חיים בערלין, טעלזשע ישיבה, קליוולאנד און בית מדרש גבוה.^[2]

משפחה

• זון, רבי שמואל, איז געווען מנהל פון דער מתיבתא "בית שרגא" אין מאנסי.
• זון, רבי שמעון, דער אייגענטימער פון "מאנסי גלאט" סופערמארקעט און פלייש געשעפט.
• טאכטער, מרת רייזל, די ווייב פון רבי יצחק פעלדהיים, דער אייגענטימער און פרעזידענט פון פעלדהיים ספרים און ביכער פארלאנג.

רעפערענצן

1. מחברת
2. Rosenblum, Yonason. Reb Shraga Feivel - The Life and Times of Rabbi Shraga Feivel Mendlowitz, the Architect of Torah in America. Brooklyn, NY: Artscroll Mesorah, 2001, (ISBN 1-57819-797-X).