Remove ads
רבי פנחס שפירא פון קאריץ (ה'תפ"ה - י' אלול ה'תקנ"א), מגיד אין קאריץ. באקאנט אלס רבי פנחס'ל קאריצער.
| געבורט |
1726 שקלאָוו, בעלארוס  |
|---|---|
| טויט |
1791 (אלט 65 בערך) שעפעטיווקע, אוקראינע |
| מדינה |
פויליש-ליטווישע קאמאנוועלט |
| פאך |
רב |
| אַמט |
הויפט רב |
|
twotzaddiks | |
  | |
רבי פנחס'ל איז געבוירן אין יאר ה'תפ"ה (אומגעפער) צו זיין פאטער רבי אברהם אבא שפירא, א זון פון רבי פנחס שפירא, מגיד אין שקלאוו, אייניקלעך פון רבי נתן נטע שפירא, דער מגלה עמוקות. און צו זיין מוטער מרת רחל שיינדיל שרה.
- רבי פנחס שפירא פון שקלאוו איז געווען אין איינע פון די ביטערסטע צייטן וואס יידישע קינדער האבן איבערגעלעבט, באלד נאך די גזירות ת"ח ות"ט, די פרשה פון כת ש"ץ, די טעגלעכע פאגראמען פון דער קירכע. אין די פינסטערע טעג איז רבי פנחס ארום געפארן פון שטעטל צו שטעטל אויפוועקן די הערצער און אויפהייבן דעם מאראל פון יידישע קינדער.
- רבי אברהם אבא שפירא, איז געווען א רב אין א שטעטל אין ליטא. איין אינדערפרי גייענדיג צום דאווענען שטעלט אים אָן א גוי מיט א שטיק גאלד אין דער האנט וואס ער האט געטראפן, און וויל עס ענדערשט פארקויפן פאר רבי אברהם זייער ביליג, ווי איידער צוגיין אויפן מארק וואו מ'וועט אים אפנארן, רבי אברהם האט זיך געפירט נישט אויסצורעדן פאר דעם דאווענען, האט אים געווינקען אז ער מוז ווארטן ביז נאך זיין דאווענען, דעווייל האט דער גוי פארקויפט דאס שטיקל גאלד פאר אן אנדערן. יענע נאכט האט זיין פאטער זיך באוויזן צו אים אין חלום, און אים פארציילט, אז אין הימל איז געווארן א גרויס טומעל איבערדעם וואס ער האט נישט געענדערט זיין פירעכטס איבער דעם גלוסט פון געלט, דערפאר וועט ער באלוינט ווערען מיט א זון וואס וועט באלייכטן די וועלט ווי גאלד.
- איבער א געוויסע פאלשע אנקלאגע האט רבי אברהם געמיזט אנטלויפן פון ליטא מיט זיין פאמיליע, און זיך באזעצט אין מירופולי.
Remove ads
רבי פנחס'ל איז געווען א אויסנאמער מתמיד, מען האט אויף אים געזאגט, ער איז דער אפוטרופוס פון דער תורה, ער האט מיט קיינעם נישט גערעדט, ס'זאל אים נישט שטערן פון לערנען, מ'האט אים גערופן דער שטומער בחור.
רבי פנחס'ל איז נפטר געווארן י' אלול ה'תקנ"א, און ליגט אין שעפעטיווקע.
רבי פנחס'ל האט געהייראט בזיווג ראשון מרת חנה, פון חמעלניק, אבער נאך א צייט האט ער איר גע'גט.
בזיווג שני האט רבי פנחס'ל געהייראט מרת טריינא א טאכטער פון הרב יונה ווייל פון סלאוויטא. זייערע קינדער:
- הרב יהודה מאיר שפירא (ה'תק"ך - כ"ט ניסן ה'תקפ"ט), רב אין שעפעטיווקע. ער האט געהייראט מרת שרה א טאכטער פון הרב יעקב שמשון שעפעטיווקער.[1]
- הרב דוב בערטשע שפירא ( - כ"ו אדר ה'תר"י), פון טלוסט. ער האט געהייראט בזיווג ראשון א טאכטער פון הרב נפתלי הירץ העשל פון זשינקאוו, בזיווג שני האט געהייראט א טאכטער פון הרב צבי הירש אייכנשטיין פון זידיטשוב.
- הרב משה שפירא (ה'תקכ"ב - ט' כסלו ה'תקצ"ח), רב אין סלאוויטא. ער האט געהייראט מרת רחל א טאכטער פון הרב יצחק, דיין פון פאלאנע.
- הרב אליהו שפירא (ה'תקכ"ט (אומגעפער) - ), פון ווישנאוויץ.
בזיווג שלישי האט רבי פנחס'ל געהייראט מרת יוטא. זייערע קינדער:
Remove ads
- אמרי פנחס
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads