הרב יוסף דוד זינצהיים (פראנצויזיש: David Sintzheim ה'תק"ה, 1745[1] - ז' כסלו ה'תקע"ג, 11טן נאוועמבער 1812[2] ער איז געווען דער ערשטער הויפט־רב פון פראנקרייך אין דעם קאנסיסטואר, א נייער אנטשטאלט אויפגעשטעלט דורך נאפאלעאן אין 1808 כדי צו ארגאניזירן די טעטיקייטן פון דער יידישער רעליגיע אין פראנקרייך. ער ווערט גערופן דער "יד דוד" אויפן נאמןע פון זיין ספר.
 |
דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן. |
.jpg) | |
| געבורט |
16 נאוועמבער 1745 ה'תצ"ה אדער ה'תק"ה טריער  |
|---|---|
| טויט |
11 נאוועמבער 1812 (אלט 66) ז' כסלו ה'תקע"ג פאריז |
| מדינה |
פראנקרייך |
| טעטיקייט ארט | בישהיים, שטראסבורג |
| באשעפטיגונג | פירוש אויף תלמוד בבלי |
| אמטן | שטראסבורגער רב, הויפט פון דעם פאריזער סנהדרין |
| זיינע רביס | הרב יצחק זינצהיים |
| חיבורים | יד דוד |
  | |
לעבנסגעשיכטע
ער איז געבוירן געווארן אין טריער (היינט אין ריינלאנד-פאלץ, דייטשלאנד), צום שטאט׳ס רב, הרב יצחק איציק זינצהיים, ביי וועמען ער האט געלערנט. אין 1762 האט זיין פאטער באקומען א רבנות שטעלע אין עלזאס און די משפחה האט אריבערגעצויגן קיין נידערנהיים (ענ'). ער האט חתונה געהאט אין 1765 מיט אסתר בער, שוועסטער פונעם פרנס פון דער יידישער קהילה אין עלזאס, סערף בער. נאך דער חתונה האט ער זיך געצויגן צו וואוינען נאנט צו זיין שוואגער אין בישהיים (ענ'), און ער האט זיך אוועקגעשטעלט לערנען תורה, און פרנסה האט ער געהאט פון די רווחים פון די אינוועסטריונגען אין זיין שוואגער׳ס געשעפטן. אין יאר 1786 האט סערף בער געעפנט א ישיבה אין דעם שטעטל, און האט באשטימט הרב זינצהיים ראש ישיבה. די ישיבה האט זיך אנגעפירט ביז דער תקופה פון דער פראנצויזישער רעוואלוציע, ווען די משפחה האט פארלוירן א גרויסן טייל פון זייערע פארמעגן און מען האט צוגעמאכט די ישיבה.
שפעטער אין דער תקופה פון דער הערשאפט פון טעראר האט הרב זינצהיים געדארפט אנטלויפן מיט זיין משפחה אין דער שווייץ. נאכדעם איז ער צוריקגעקומען אין עלזאס און איז געווארן דער ערשטער רב פון דער נייער קהילה אין שטראסבורג, וואו פריער איז געווען אסור פאר יידן צו וואוינען זייט דעם סוף פונעם 14טן יארהונדערט.
ער איז נפטר געווארן ז׳ כסלו תקע״ג (11טן נאוועמבער 1812), און מען האט אים באגראבן אין דעם פער לאשעז בית החיים אין פאריז.
רעפערענצן
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
