באפעלקערונג ענגקײט

באַפֿעלקערונג ענגקייט איז א באגריף אין דעם געביט פון דעמאגראפיע, וואס באצייכנט די פארהעלטעניש צווישן באפעלקערונג און שטח פאר א געאגראפישן ארט. געוויינטלעך ווערט דאס געמאסטן אין צאל איינוואוינער פאר א קוואדראט קילאמעטער, טיילמאל לויט וויפיל קוואדראט מעטער פאר אן איינוואוינער.

סקיצע פון באפעלקערונג ענגקייט אין לענדער פון דער וועלט אין 2006 (איינוואוינער פאר א קוואדראט ק"מ)

מיט דעם טערמין קען מען גאנץ גרינג אידענטיפיצירן געגנטן מיט ווייניג באפעלקערונג, דערפער און שטעט. ווען מען טרעפט א הויכע באפעלקערונג ענגקייט ווערט דער שטח גוט אויסגעניצט מיט הויכע און געדעכטע געביידעס.

ניו יארק סיטי האט א גאנץ הויכע ענגקייט, 10,292 מענטשן אין א קוואדראט ק"מ.

דאס לאנד מיט דער גרעסטער באַפֿעלקערונג ענגקייט אין דער וועלט איז מאנאקא, מיט 16,620 מענטשן אין א קוואדראט ק"מ. קאנאדע, אבער, איז א גרויס לאנד און גאנץ פארשפרייט, און האט נאר 3.5 מענטשן אין א קוואדראט ק"מ.

וועבלינקען

וויקימעדיע קאמאנס האט מעדיע שייך צו: באפעלקערונג ענגקײט