From Wikipedia, the free encyclopedia
ხოფა (ქორთულო დო მარგალურო — ხოფა, ლაზურო — ხოპე / Xop’e, თურქულო — Hopa) — ნოღა დო რაიონი თურქეთიშ ართვინიშ პროვინციას, ქიანაშ ოორუე-ბჟაეიოლს, უჩა ზუღაშ ობჟათე-ბჟაიეოლ ძგას, ისტორიულ ლაზონას. იდვალუაფუ ართვინშე 67 დო საქორთუო-თურქეთიშ ონძღოშე 18 კმ-შ მაშორას. წყუეფს იშინუაფჷ V ოშწანურას, მუჭოთ ლაზონაშ დო ბიზანტიაშ ონძღობური ჯიხა. ისტორიოგრაფიას რაგადებულიე ვერსია, ნამდა ხოფაშ გოხოლუას რდჷ ჯიხა-ნოღა „პეტრა“.
ნოღა
ხოფა
Hopa
|
ხოფაშ რაიონი გვალამ დიხას რე გოფაჩილი. ზუღა პიჯიშე 10 მეტრაშ მაღალობაშ უკული ხათეშე ეკოხონი იჭყაფჷ დო ანჭუაფჷ სულთან სელიმიშ გვალეფშახ. ხოფაშ ტყალეფი მოფინილიე რე თხომუშ, ჭუბურიშ, ცხიმური დო შხვა ჯიშიშ ჯალეფით. უმაღალაში ჭურჭულიე სულთან სელიმიშ გვალა - 1513 მ. კლიმატი ლიბჷ დო ტიბჷ რე.
ხოფა ჯვეშიჯვეშშე დიო კოლხეთიშ ომაფეს ორხველუდჷ, უკული ეგრისიშ (ლაზიკაშ) ომაფეშა მიშმეშჷ, უკული საქორთუოშ აკოშქუმალირ ომაფეს ხოლო ქარხველუდჷ, ჭე გვიანო ტრაპიზონიშ იმპერიაშ ნორთი რდჷ. ოსმალეფიშ მულაშ უკული ოსმალეთიშ იმპერიაშ ლაზისტანიშ სანჯაყიშ ნოღათ გინირთჷ. 1877-1878 რუსეთ-თურქეთიშ ლჷმაშ ბორჯის რუსეფქ ქიდეკინეს ხოფა დო ხოფარეფიშ დიდ ნორთიქ ოსმალეთიშ ბჟადაალშა გეგნიხორჷ. 1918 წანაშ ბრესტ-ლიტოვსკიშ ზჷშ გეშა ხოფაქ კინ თურქეთიშა იჸუ დორთინაფილქ დო ფაქტიურო 1921 წანას მიშელჷ თურქეთიშ აკოდგინალუაშა.
ხოფაშ ეკონომიკა გერსხილი რე ვაჭრუაშა, ჩხომიშ ჭოფუაშა დო აგრიკულტურაშა, უმენტაშო თხირი, ჩაი დო კივიშ მოჸონაფაშა. ხოფას უღჷ მუში დიდი ონიშოლი, ნამუთ დინოსქვილიე ოზუღალე ვაჭრუაშ ოირქიანე სისტემას.[1]
2007 წანაშ ერებამ ეჭარუაშ მეჯინათ ხოფას 32 209 შური ოხორანდჷ, თაჸურეშე 17 718 ნოღას. მახორუეფიშ უმენტაშობა ლაზეფი რენა, დიდ ეთნიკურ ბუნას აკმადგინანა ჰემშინეფი, მუსულმანი სომეხეფი, ნამუთ უმენტაშო ხოფაშ გვალეფს ოხორანან. ნოღას რე აკაბურცხა ჩერქეზულ დო თურქულ მახორობათ.
ხოფაშ ნოღა 6 რაიონშე აკმოდირთუ:
ხოფაშ რაიონი მიშმეკოროცხანს 29 ოფუტეს:
ხოფაშ რაიონს ოკათჷ ართი დაბა:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.