From Wikipedia, the free encyclopedia
ხლოდვიგ I (ლათ. Chlodovechus; დ. 466 — ღ. 27 გერგობათუთა, 511) — ფრანკეფიშ მაფა, მეროვინგეფიშ დინასტიაშ წჷმმარინაფალი. მერჩქინელი რე მეროვინგეფიშ დინასტიაშ დუმარსხუაფალო.
| ხლოდვიგ I | ||
 | ||
| ფრანკეფიშ მაფა | ||
|---|---|---|
| პოსტის გერინაშ ბორჯი | ||
| 481 – 27 გერგობათუთა, 511 წანა | ||
| წიმოხონი | ხილდერიკ I | |
| მონძე | თოიდერიხ I (რეიმსი) ხლოდომერი (ორლეანი) ხილდებერტ I (პარიზი) ხლოტარ I (სუასონი) | |
| დუნაბადი | 466 ტურნე, რომიშ იმპერია | |
| ნაღურა | 27 გერგობათუთა, 511 (45 წანერი) პარიზი, ფრანკეფიშ ომაფე | |
| ნთხორუ აბანი | დუდშე, წიმინდე ჟენევიევიშ ოხვამე ასე, სენ-დენიშ ბაზილიკა | |
| მუმა | ხილდერიკ I | |
| ნანა | ბაზინა თიურინგიალი | |
| ალმასქუ | კლოტილდა ბურგუნდიალი | |
| სქუალეფი | ინგომერი ხლოდომერი ხილდებერტ I ხლოტარ I კლოტილდა თოიდერიხ I | |
| რელიგია | დუდშე, ფრანკული პაგანიზმი უკულ, ქალკედონიური ქირსიანობა | |
ხლოდვიგიშ მუმა რდჷ ხილდერიკ I, ნამუთ 457 წანაშე მართუნდჷ სალიკური ფრანკეფს. ხლოდვიგიშ I-შ მაფობაშ ბორჯის, ფრანკეფიშ ომაფექ მიოჭირინუ შანულამი ტერიტორიული ექსპანსიას. 486 წანაშ ლჷმაშ უკულ, ხლოდვიგიქ ქიდეკინჷ სუასონიშ ომაფე, თაშნეშე, გეჭოფუ მორჩილი ფრანკული ომაფეეფი, ნამუეფით გალიაშ ოორუე-ბჟაეიოლი ტერიტორიეფს იდვალუაფუდჷ. ხლოდვიგიქ დამარცხჷ ალემანეფი, ვესტგოთეფი. ჸათე ოურდუმე კამპანიეფით, ფრანკეფიშ აკოდგინალუაშა მიშართჷ შანულამი ტერიტორიეფქ. ფრანკეფიშ ომაფექ გინირთჷ უდიდაში ოურდუმე დო პოლიტიკური სახენწჷფოთ ბჟადალი ევროპას.
496 წანას ხლოდვიგიქ მიღჷ ქირსიანობა. ჸათე გინოჭყვადუაშ ინიციატორი რდჷ თიში ალმასქუ კლოტილდა ბურგუნდიალი, ნამუთ ასე წიმინდე რე რომიშ კათოლიკური ეკლესიაშო, თაშნეშე ბჟაეიოლიშ მართლმადიდებლური ეკლესიაშო. 508 წანაშ ქირსეს, ხლოდვიგი დონათეს ქირსიანო. თიში მოჭანაფათ, 511 წანაშ კვირკვეს, ორლეანს, მინწყუ საეკლესიო კათუაქ, სოდეთ 32 ეპისკოპოსი მონაწილენდჷ.
ხლოდვიგიშ ბორჯის აკადგინეს სალიკური სამართალი, ნამუქჷთ კაბეტი გოლინა იღვენუ უკულიანი პერიოდიშ ევროპაშ კანონდვალაშო.
ხლოდვიგ I-ქ ღურუ 511 წანაშ 27 გერგობათუთას, 45 წანერქ. თიში ღურაშ უკულ ფრანკეფიშ ომაფე ხლოდვიგიშ ოთხი ქომოლსქუაქ გირთუ.
 |
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
ხლოდვიგ I დებადჷ: 466 ღურჷ: 511 | ||
| წიმოხონი: ხილდერიკ I |
ფრანკეფიშ მაფა 481–511 |
გეჸვენჯი: თოიდერიხ I ხლოდომერი ხილდებერტ I ხლოტარ I |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
