ციკლოტრონი

ციკლოტრონი (ინგლ. Cyclotron) — წულუკეფიშ ათმაბიწორაფალიშ (აქსელერატორი) ართ-ართი ტიპი, ნამუთ გიმიგონჷ ამერიკალ ფიზიკოსი ერნესტ ლოურენსიქ, 1929-1930 წანეფს დო აპატენტჷ 1932 წანას. ჸათე გჷმოგონაფაშ გეშა ლოურენსიქ მიპალჷ ნობელიშ პრემია ფიზიკაშ დარგის 1939 წანას.

ლოურენსიშ ციკლოტრონი, დოხოლაფირო 1939 წანა

ციკლოტრონი ათმაბიწორენს დომუხტულ წულუკეფს ცილინდრულ-ვაკუუმური კამერაშ ცენტრიშე. წულუკეფი იკონტროლებუ სპირალური ტრაექტორიათ სტატიკური მაგნიტური ვეშ გჷმორინაფათ დო ეთმიბიწორებუ ელექტრული ვეთ.

ციკლოტრონი რდჷ მაართა "ციკლური" ათმაბიწორაფალი. ციკლოტრონიშ გჷმოგონებაშახ რდჷ ელექტროსტატიკური აქსელერატორეფი, სამანგათ ათეცალეფი რდჷ კოკროფტ-უოლტონიშ გენერატორი დო ვან დე გრააფიშ გენერატორი. ათე აქსელერატორეფს წულუკეფი აბიწორაფილ ელექტრულ ვეს ხვალე ართიშა გინმოკვათუნდეს დო წულუკეფი ჭიჭე ენერგიას ეთმეჭოფუნდეს. ციკლოტრონეფს წულუკეფი აბიწორაფილ რეგიონეფს ბრელშა გჷნმოკვათუნა დო ენერგია ხოლო უმოსი ეთმიჭოფუ.

ციკლოტრონეფი რდეს არძაშე უმოსო ნძალიერი აქსელერატორეფი 1950-იან წანეფიშახ, უკულ თინეფი დოთირუ უმოს ეფექტურ სინქროტრონეფქ.

თეხანური პერიოდიშო ციკლოტრონეფი ვარენა კაბეტი ენერგიაშ აქსელერატორეფი, მარა თინეფი ასე ხოლო გჷმირინუაფჷ ბირთვულ მედიცინას.

რესურსეფი ინტერნეტის

ვიკიოწკარუეს^? რე ხასჷლა თემაშენ:

ციკლოტრონი

• ციკლოტრონი ენციკლოპედია ბრიტანიკას
• The 88-Inch Cyclotron at Lawrence Berkeley National Laboratory
• PSI Proton Accelerator – the highest beam current cyclotron in the world.
• Ernest Lawrence's Cyclotron A history of cyclotron development at the Berkeley Radiation Laboratory, now Lawrence Berkeley National Laboratory