ცეფეიდეფი

ცეფეიდეფი — მათირუ მურიცხეფი, ნამუეფიშ ბარჩხალი ითირუ სტაბილური პერიოდულობათ. თინეფი რენა გიგანტური მურიცხეფი, ბჟაშე ზომათ 5-20-შა მასიური. თინეფიშ პულსაცია მერსხილი რე ბარჩხალიშ პერიოდულობაწკჷმა.

ცეფეიდიშ პულსაცია

ცეფეიდეფიშ ჸათე რჯება 1908 წანას გიმირკვიუ გიშარჩქინელი ამერიკალი ასტრონომიქ ჰენრიეტა სვონ ლივიტიქ, ნამუთ გურაფულენდჷ მაგელანური მუნაფეფიშ ცეფეიდეფს.

ცეფეიდეფს ასტრონომიაშო დიდი შანულობა უღუ, მუშენდა მენცარეფი თინეფს გიმირინუანა გალაქტიკური დო ექსტრაგალაქტიკური დისტანციეფიშ ოზიმალო.

ტერმინი ცეფეიდი მოურს ცეფევსიშ მურიცხეჭაჭილიშ ართ-ართი მურიცხული სისტემაშ - დელტა ცეფევსიშ ჯოხოდვალაშე.

ცეფეიდეფქ შილებე გირთას ჟირი ტიპო:

• კლასიკური ცეფეიდეფი - ახალნორდი მათირუ მურიცხეფი ნამუეფი იხასიათებუნა რეგულარული პულსაციათ, ნამუშ პერიოდი დღალეფიშე მარაშახ რე. ჸათე მურიცხეფი თაშნეშე შინელი რენა მუჭოთ პოპულაცია I ცეფეიდეფი, ტიპი I ცეფეიდეფი დო დელტა ცეფეიდეფი.
• ტიპი II ცეფეიდეფი - უმოსო ჯვეში, ხანიერი, ჭიჭე მასაშ მურიცხეფი, ნამუეფიშ პულსაციაშ პერიოდულობა იგინძორებუ 1-შე 50 დღაშახ.

რესურსეფი ინტერნეტის

• McMaster Cepheid Photometry and Radial Velocity Data Archive
• American Association of Variable Star Observers
• Survey of Warsaw University at Las Campanas Observatory: OGLE-III (Optical Gravitational Lensing Experiment) Variable Stars catalog website
• David Dunlap Observatory of Toronto University: Galactic Classical Cepheids database