![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/24/ICE1_Schellenberg.jpg/640px-ICE1_Schellenberg.jpg&w=640&q=50)
ტრანსპორტი
From Wikipedia, the free encyclopedia
ტრანსპორტი (ლათ. trans - მელე, დო portare - ნთირუა) — მეშქაშობეფიშ ართობურობა, ნამუეფიშ ნიშლობა ადამიერეფიშ, ოღალიშ დო ინფორმაციაშ ართი აბანშე მაჟირაშა გინოღალა რე. ოტრანსპორტე ინდუსტრია სუმ თარ კომპონენტო ირთუ: ინფრასტრუქტურათ, მანქანეფო დო მართუათ. ინფრასტრუქტურა იკათუანს ტრანსპორტიშო ოხვილური უყარუ კონსტრუქციეფს, თინეფს შქას ოავტომობილე რზეფს, რკინაშარეფს, ოჰეერე რზეფს, არხეფს, ოლინეფს ვარ-და ტერმინალეფს, მუჭომეფით რე აეროპორტეფი, რკინაშარაშ, ოავტომობილე დო ოზუღე დგჷმილეფი. მანქანეფი, ნამუეფით თე რშვილს ყარენს რე ავტომობილეფი, ავტობუსეფი, მახინწალეფი, ფურინჯეფი დო შხვა. მართუა იკათუანს თე მანქანეფიშ დო კონსტრუქციეფიშ ოპერირაფას დო თიწკჷმა მერსხილ პროცედურეფს, მუჭომეფით რე ფინანსირაფა, პოლიტიკა დო იურიდიული ნინალა.
![Thumb image](http://upload.wikimedia.org/wikipedia/commons/thumb/2/24/ICE1_Schellenberg.jpg/640px-ICE1_Schellenberg.jpg)
გიშმართჷნა დიხაშჟინი, წყარიშ დო ოჰეერე ტრანსპორტის. დიხაშჟინი ტრანსპორტშა მიშმურს ორკინაშარე ტრანსპორტი, ოავტომობილე დო მილოლინე ტრანსპორტი, წყარიშ ტრანსპორტშა - ოზუღე დო ოწყარმალე, ოჰეერეშა - ოავიაციე ტრანსპორტი.
შანულობაშ მეჯინათ ტრანსპორტი ირთუ ოართე (ნამუთ ონინალჷ მახორობას), კერზო (დინოხოწარმე გინოღალეფი) დო პიჯული რგებულობაშ ტრანსპორტო.