![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a4/Pre-mRNA-1ysv-tubes.png/640px-Pre-mRNA-1ysv-tubes.png&w=640&q=50)
რიბონუკლეინიშ ბჟე
From Wikipedia, the free encyclopedia
რიბონუკლეინიშ ბჟე (რნბ) — პოლინუკლეოტიდი. დნბ-შე გინორთი, თიში მოლეკულა ართჯაჭვამი რე. რნბ ცილაშ ბიოსინთეზის ოკათჷ.
![Thumb image](http://upload.wikimedia.org/wikipedia/commons/thumb/a/a4/Pre-mRNA-1ysv-tubes.png/640px-Pre-mRNA-1ysv-tubes.png)
კურთხუს რე მუსხირენი სახეშ რნბ. მაართა სახეშ — რნბ-ოტრანსპორტო რე (ტ-რნბ). ზჷმეფიშ მეჯინათ თენა არძაშე ჭიჭე რნბ რე. თინა მეთმურსხუანს ამინობჟეფს დო გინმუღჷ ცილაშ სინთეზიშ აბანშა. მაჟირა სახეშ — რნბ ინფორმაციული რე (ი-რნბ). ზჷმეფიშ მეჯინათ 10-შახ უმოსი რე ტ-რნბ-შე. თიში ფუნქცია თის დგომარენს, ნამჷ-და ინფორმაცია სტრუქტურაშ გეშა გინიღას დნბ-შე ცილაშ სინთეზიშ აბანშა. მასუმა სახეშ — რიბოსომული რნბ (რ-რნბ). თის უღუ არძაშე დიდი მოლეკულეფი დო რიბოსომაშ აკოდგინალუაშა მიშმურს.