რაიხსკანცლერი
From Wikipedia, the free encyclopedia
რაიხსკანცლერი (გერმ.: Reichskanzler, ზიტყვაზიტყვაშა - იმპერიაშ კანცლერი) თარობაშ დუდმახვენჯი გერმანიაშ იმპერიას დო ვაიმარიშ რესპუბლიკას. 1918 წანაშახ რაიხსკანცლერი დუთმირინუაფუდჷ კაიზერიშით, ოდო 1918 წანაშ უკული რაიხსპრეზიდენტიშით. მარა ვაიმარიშ რესპუბლიკას თიშა შილებედჷ გეგმუცხადებუდჷკო უნდობლობა რაიხსტაგის, ათეშენ დორინაფა ხვადუდჷ რაიხსტაგიშ პარტიული აკოდგინალუაშ გოთოლწონაფათ.
მაართა რაიხსკანცლერი რდჷ ოტო ფონ ბისმარკი.