From Wikipedia, the free encyclopedia
ლეონ მაქს ლედერმანი (ინგლ. Leon Max Lederman; დ. 15 კვირკვე, 1922, ნიუ-იორკი, ააშ — ღ. 3 გჷმათუთა, 2018, რექსბურგი, აიდაჰო, ააშ) — ამერიკალი ექსპერიმენტალური ფიზიკოსი. გურაფულენდჷ ნეიტრინოშ, კვარკიშ, ლეპტონიშ სტრუქტურას. 1988 წანას გინოჩეს ნობელიშ პრემია ფიზიკაშ დარგის (მელვინ შვარცი დო ჯეკ სტეინბერგერიწკჷმა ართო). ლედერმანი რდჷ ფერმილაბიშ დირექტორი ემერიტუსი, ბეტეივიას, ილინოისის. 1986 წანას დარსხუ ილინოისიშ მათემატიკაშ დო მენცარობაშ აკადემია.
ლეონ მაქს ლედერმანი | |
ინგლ. Leon Max Lederman | |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: |
გჷმათუთა 3, 2018 (96 წანერი) |
ღურაშ აბანი: | |
მენოღალობა: | |
ომენცარე სფერო: | |
სამუშაშ აბანი : |
კოლუმბიაშ უნივერსიტეტი |
ალმა-მატერი: |
სიტი-კოლეჯი |
ჯილდოეფი დო პრემიეფი: |
ნობელიშ პრემია ფიზიკას (1988) |
ლეონ მაქს ლედერმანქ დებადჷ ნიუ-იორკის, 1922 წანაშ 15 კვირკვეს, უკრაინალი ურიეფიშ ფანიას. გურაფულენდჷ ჯეიმზ მონროშ ჯოხონობაშ სკოლას, უკულ სიტი-კოლეჯის, სოდეთ მიპალუ ბაკალავრიშ ხარისხი 1943 წანას. სიტი-კოლეჯიშ უკულ გურაფა გაგინძორჷ კოლუმბიაშ უნივერსიტეტის, სოდეთი თხილუ ოდოქტორე დისერტაცია ფიზიკას. გურაფაშ თებაშ უკულ მუშობა დიჭყჷ კოლუმბიაშ უნივერსიტეტის, პროფესორო. 1960 წანას მუშენდჷ CERN-ის ხოლო. 1979 წანაშე რდჷ კომპანია Fermilab-იშ დირექტორი (1989 წანაშა). ლედერმანი ოგურუანდჷ ჩიკაგოშ უნივერსიტეტის ხოლო, უკულ გინორთჷ ილინოისიშ ტექნოლოგიაშ ინსტიტუტშა. ლედერმანი რდჷ ნობელიშ პრემიაშ, ენრიკო ფერმიშ პრემიაშ, ვულფიშ პრემიაშ, ვენივერ ბუშიშ პრემიაშ, უილიამ პროქტერიშ პრემიაშ დო შხვა პრემიეფიშ ლაურეატი.
ლედერმანიშ მაართა ოსური რდჷ ფლორენს გორდონი დო ჸუნდუ სუმი სკუა. ლედერმანიშ მაჟია ოსური რდჷ ელენ კარი. ლედერმანქ ლახალა დემენციაშ კურნალობაშ ხარჯეფიშ გურშენ, გეგმოჩუ ნობელიშ პრემიაშ მენდალი, 2015 წანას, 765,000 დოლარშა. ღურჷ დემენციათ 2018 წანაშ 3 გჷმათუთას, 96 წანერქ, რექსბურგის, აიდაჰოს.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.