კროლი
From Wikipedia, the free encyclopedia
კროლი (ინგლ. crawl — ხოხუა), თაშნეშე ორგია — ქვარათ ნჩურუაშ სტილი, ნამუსჷთ რსხულიშ მარძგვანი დო კვარჩხანი ნორთეფი ართიანიშ მათირე მოქირინუეფს არსულენა. ირ ხე მანჩურალიშ რსხულიშ ღერძიშ მანგას ფართო მიქირინუას არსულენ, ნამუშ ბორჯიშ კუჩხეფი, მუშჸურე, ართიანიშ მათირეთ წყარშე ეშმეღალუაფჷნა დო დინმიღალუაფჷნა. მანჩურალიშ სახე წყარს იდვალუაფუ, დო ხვალე მოქირინუაშ ბორჯის პერიოდულო მუკმართინუანს (ეშმეღანს წყარშე) დუდს, ჟანგბადიშ ეიოჭოფალო. კორლი ნჩურუაშ არძაშე ჩქარი საშუალებათ იკოროცხუ. სპორტსმენეფიშ უმენტაშობა დუდიშული სტილით ნჩურუაშ ტურნირეფს ისხუნუანა კროლიშ სტილით ნჩურუას, თეშ გეშა „დუდიშული სტილი“ დო „კროლი“ პრაქტიკულო სინონიმეფი რე.