![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ed/WMAP_2012.png/640px-WMAP_2012.png&w=640&q=50)
კოსმოსური მიკრორეღმული ფონი
From Wikipedia, the free encyclopedia
კოსმოსური მიკრორეღმული ფონი, კმფ (ინგლ. Cosmic microwave background) — ელექტრომაგნიტური გჷმოჩხორიაფა, ნამუთ მენცარეფიშ აზრით მერჩქინელი რე ორდოიანი პერიოდიშ ოქიანუშ ნოსქილედო. მინჩა თის "რელიქტური გჷმოჩხორიაფა"-ს ხოლო უძახჷნა. თიში რკვიებას უღუ დიდი შანულობა, მუშენდა კმფ რე უჯვეშაში გჷმოჩხორიაფა ოქიანუს. კმფ ითარიღებუ რეკომბინაციაშ პერიოდით, მუჟამსჷთ პირველი ატომეფი იფორმირებუდჷ.
![Thumb image](http://upload.wikimedia.org/wikipedia/commons/thumb/e/ed/WMAP_2012.png/640px-WMAP_2012.png)
ტრადიციული ოპტიკური ტელესკოპეფიშო ოფირჩა (ფონი) მურიცხეფს დო გალაქტიკეფს შქას რე რუმე. მარა უმოსო ეფექტური რადიოტელესკოპეფი ორწყე ართნერი, ფონური, მურუჟი სინთეს ნამუთ ვარე ასოცირაფილი მურიცხეფი, გალაქტიკეფი დო შხვა ასტრონომიული ობიექტეფიწკჷმა. ჸათე სინათე ნძალიერიე უმოსო რადიოსპექტრიშ მიკრორეღმულ რეგიონეფს.
ჸათე გჷმოჩხორიაფას მიოგორეს ამერიკალ რადიოასტრონომეფქ არნო ალან პენზიასიქ დო რობერტ ვუდრო ვილსონიქ, 1965 წანას. ჸათეშ გეშათ ჟირხოლო ასტრონომს გინოჩეს ნობელიშ პრემია ფიზიკაშ დარგის 1978 წანას.
მენცარეფიშ აზრით კმფ, მუჭოთ დიდი გოფათქუაშ ნოსქილედი, დიდი გოფათქუაშ თეორიაშ სერიოზული ნტკიცება რე.