From Wikipedia, the free encyclopedia
კინტირი (ლათ. Cucumis sativus) — ართწანიანი ოდიარამი ჩანარი კოპეშიაშობურეფიშ ფანიაშე. ჯინჯეფიშ სისტემა აკმოდირთუ თარ ღერძშე (1 მ-შახ სიგჷრძაშ) დო ელახიან ჯინჯეფშე, ნამუთ თარო ოხონალ/დამუშებელ დიხაშ (10-30 სმ) ფენას იფაჩუ. ღერი მახოხინე ვარდა ხვიარი რე. სიგჷრძა 1,5—2 მ-შახ ანჭუ. თაშნეშე მუთმოფხავდჷნა გვერდოქვერჩხონი ფორმათ ხოლო. ფურცელი დიდყერწამი რე, ონდეთ სუაშობური, ხუთლუთხიანი. ცალსქესიანი, ართჸუდეამი ჩანარი რე. მუთმოფხადვა ჟირჸუდეამი ხოლო. გჷმნაღელი 5-100 სმ-შახ სიდიდაშ რე. ცილინდრული ფორმა უღუ. კინტირი სიტიბაშ, სინთეშ დო სილამიეშ მოჸოროფე ჩანარი რე. კინდირიშ ოდაბადე რე ინდოეთი.
კინტირი | ||||||||
---|---|---|---|---|---|---|---|---|
მენცარული კლასიფიკაცია | ||||||||
|
||||||||
ლათინური ჯოხო | ||||||||
Cucumis sativus | ||||||||
თხილუაშ სტატუსი | ||||||||
|
კინტირი მოჸუნა გონჯამილ დო კილერ გრუნტის. კინტირს მუჭოთ ზათ, თეშ მჟავეშ სახეთ გჷმირინუანა. თოთო, 3—4 დღერი გჷმნაღელშე პიკულს დო კორნიშონს ზადუნა. გჷმნაღელს თეჯგურა ქიმიური აკოდგინალუაშ უღუ (%-ობათ): წყარი 95-96, სქირე ღვანდი 4-5, მ. შ. შანქარეფი 2-2,5, ცილეფამი ღვანდეფი 1,0, ცჷმი 0,1, უჯრედისი 0,7, ტუტა 0,4 იკათუანს C, B1, B2 ვიტამინს, A პროვიტამინს, ორგანულ მჟავეფს.
1973 წანაშე საქორთუოს გონჯამილ გრუნტიშო დორაიონაფილი რე მუხრანული აკანური, ნეჟინური 12, ნოვოჩერკასკიშ 385, რუსტემი 96-1, ნეროსიმი 40; კილერ გრუნტიშო „მნოგოპლოდნი 3263“, ჰიბრიდი „ტეპლიჩნი 40“. კინტირშო არძაშ უჯგუში რე მირძღი, ქექე მექანიკური აკოდგინალუაშ, ბორიაშე თხილერი დიხა. კინტირიშ თასი ითასუ რანწკას დო ბედობურო. გჷრძას მარდუ ჯიშეფი (მუხრანული) ითასუ კვადრატულ-ბუდობურო 100×100 სმ, კუნტა ჯიშეფი —— 70×70 სმ-ს. ბუდნას იტენა 3-4 ცანარს. კინტირიშ უმენტაშობაშ დჷმალახებელი რე ბონდღამი გირდღი, ბუგრი; ლახარა — ნოშქერი, ბაქტერიოზი, ჩე სიჸორადე, ანთრაკნოზი.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.