კინოხელუანობა
From Wikipedia, the free encyclopedia
კინოხელუანობა (ბერძნულო kineo – „ბყარენქ~") რე ვიზუალური ხელუანობაშ დარგი, ნამუშ ნაწარმებეფი იქიმინუ რეალური, ინსცენირაფილი ვარა მულტიპლიკაციაშ მეშქაშალეფით ქიმინელი მოლინეფიშ გეშა.
კინოხელუანობაქ გორჩქინდ მა–20 ოშწანურას, მუდგაშ კონცეფცია რე უჩა–ჩე ვარა ფერუანი „ყარაფონი ნახანტეფიშ“ პროექცირაფა ეკრანც. კინოხელუანობას ხვადუ ლიტერატურაშ, თეატრიშ დო სახუაშ ხელუანობაშ დო მუსიკაშ აკოწყორუა მუშო დჷმახასიათაფალი გჷმოხანტუაშ გაბრეფით, ნამუეფშეთ უთარაშიე კინოგჷმოსახულაფაშ ფოტოგრაფიული ორთა დო მონტაჟი. ხელუანობაშ თე დარგი დახე ედომუშამო რე მებუნაფილი ტექნიკურ გოვითარაფაშა, თინეფ შქას ფოტოგრაფიეფიშ ყარაფიშ, პროექცირაფაშ, გოხონარუამაფაშ, კინოფირეფიშ დამუშებაშ დო გჷმოარგამაფაშ ტექნოლოგიეშა.
კინოხელუანობა უგმურთუო რე მერსხილი კინოინდუსტრიაწკჷმა, ნამუთ აწარმენც კინოაპარატურას, გინაღალარი, გჷნმამიარაფალი, ოდემონსტრაციე დო შხვა ტექნოლოგიურ მონწყილობეფც. კინოხელუანობა დო კინოინდუსტრიაშ ართამუობას კინემატოგრაფია ჯოხო.