ინდოჩინეთი
From Wikipedia, the free encyclopedia
ინდოჩინეთიშ ჩქონი ვარდა მერკეთ ინდოჩინეთი (ფრანგ. Indochine) — რეგიონი ობჟათე-ბჟაეიოლი აზიას. იდვალუაფუ ინდოეთიშ ბჟაეიოლშე დო ჩინეთიშ ობჟათეშე. ტერმინი მაართაშთ გჷმირინუ დანიური წჷმოულობაშ ფრანგი გეოგრაფიქ მალთე კონრად ბრუუნქ, 1810 წანას პარიზის გჷმობჟინაფილ წინგის „Précis de la Géographie Universelle“.
ინდოჩინეთიშ ჩქონი ფრანგ. Indochine | |
ორენი | აზია |
აკვატორია | ობჟათე ჩინეთიშ ზუღა სიამიშ ჸუჯი ბენგალიშ ჸუჯი ანდამანიშ ზუღა |
კოორდინატეფი | 16,10116°00′00″ ოორ. გ. 101°00′00″ ელ. გ. |
ფართობი | ~ 2 მლნ. კმ² |
ქიანა | ბანგლადეში მალაიზია ლაოსი ვიეტნამი კამბოჯა ტაილანდი მიანმარი |
ინდოჩინეთიშ ჯოხოთ მიშინუანა გეჸვენჯ ქიანეფს: ლაოსი, ვიეტნამი, კამბოჯა, ბანგლადეში, ტაილანდი, მალაიზია დო მიანმარი (კინე ბირმა).
ისტორიულო, ობჟათე-ბჟაეიოლი აზიაშ ქიანეფი ირო გჷნიცადენდეს ინდოეთიშ დო ჩინეთიშ გოლინას. სამანგათ, კამბოჯა, ლაოსი, მიანმარი დო ტაილანდი ინდური კულტურაშ გოლინაშ სფერო რე დო მორძილი ზჷმათ ჩინური. მუთ ოხუ ვიეტნამს, თქ ჩინური კულტურაშ გოლინა ოგინაფუაფუ დო ინდურიშ კულტურა - მერკეთ.
რეგიონიშ ქიანეფს, კოლონიალური ულირშე გიშნაველი, თაშნეშე რთუნა ბჟადალური კულტურაშ გოლინაშ სფეროეფო, სამანგათ, ფრანგულ ინდოჩინეთო მიშინუანა: კამბოჯას, ლაოსის დო ვიეტნამს.