არამეული ნინეფი
From Wikipedia, the free encyclopedia
არამეული ნინეფი (მუშ ჯოხოდვალა — ܐܪܡܝܐ Armāyâ/Ārāmāyâ, ארמית Aramit) — სემიტურ ნინეფიშ ფანიაშ გიმენბუნა. ჯვეშო იპმერიული არამეული ნინა ლინგვა ფრანკაშ (შხვადოშხვა ეთნიკურ ბუნაშ შკას ორაგადე ნინა) როლს ასრულენდჷ არხო ბჟაეიოლიშ შანულამ ტერიტორიას, თინეფს შქას პალესტინას, იოსე ქირსეშ ბორჯის.
არამეული ნინეფი | |
გოფაჩილი რე | არხო ბჟაეიოლი |
მორაგადეეფიშ მუდანობა | 2,2 მლნ. |
ოფიციალური სტატუსი | საართოთ აღიარაფილი |
ლინგვისტური კლასიფიკაცია | ევრაზიაშ ნინეფი
აფრაზიული მაკროფანია სემიტური ფანია ბჟადალსემიტური ნოელა ცენტრალურსემიტური გიმენნოჸელა ოორუებჟადალსემიტური გიმენბუნა |
ნინაშ კოდეფი | aii — ასირიული aij — ლიშანიდური |
კინოხ, არამეელეფი უჯოხოდეს ბჟადალიშ სემიტურ ტომეფშა, ნამუთ მეგვალრზენენდეს დოხოლაფირო ასეიან სირიაშ ტერიტორიას. თინეფიშ ნინა (უმოს თინას, თინეფიშ მოჯგირე დიალექტეფი) ძალამ ელახ რე ქანაანისტურ ნინეფწკჷმა, კერზოთ, ივრითწკჷმა. არამეელეფს დღას ვაკუქიმინუნა ართიანი სახენწჷფო. მთეშ უმკუჯინალო, თინეფიშ ნინა ექსპანსიური რდჷ დო უგუჩერებუო აგნჷძორენდჷ შხვა ტერიტორიეფშა გოფაჩუას.
არამეული ასრულენდჷ Lingua franca-შ როლს ედომუშამი არხო ბჟეიოლიშ რეგიონს. ასურეთიშ დო ბაბილონიშ ომაფეეფს არამეულქ გჷმორინაფაშე გეგშაჸოთჷ აქადური ნინა. ისრაელს დო იუდეას ელჩეფი დო ვაჭარეფი არამეულო რაგადანდეს. არამეულ ნინაქ გიშაკერძაფილო გენძალიერჷ აქემენიდეფიშ (ჯვეში სპარსეთიშ მამართალი დინასტია) მართუალაშ პერიოდის (ჯვ.წ. VII-IV ოო). თიმ ბორჯიშ თინა გინმირთუ იმპერიაშ ოფიციალურ ნინათ.
ელინისტურ ეპოქას, არაბულ ეჭოფუეფშახ (VII ო.) არამეული წჷმოძინელო უწიენდჷ კონკურენციას ბერძენულს, ნამუშ შანულობა თეშ ეისქილიდუ, მუჭოთ შხვა აკანური სემიტური დიალექტეფიშინ.