ალაზანი (აზერ. Qanıx) — წყარმალუ ბჟაეიოლ საქორთუოს დო აზერბაიჯანს, ნორთობურო მეურს თე ქიანეფიშ ხურგიშ მანგას. ალაზანიშ სიგირძა რე 390 კმ, ღანჩოშ ფართობი — 11 800 კვ.კმ, წყარიშ ოშქაშე ხარჯი — 98 კუბ.მ/წმ. ეთმიჯუმუაფუ შხვადოშხვანერი წყუთ (თირი, დიხაშთუდონი წყარით დო ათაში უკული), გჷმირინუაფუ ოწყარალო. ალაზანიშ გოხოლუაშ დჷკეფი მებინეხობაშ აბანი რე. ოდუდე უღჷ კავკაციონიშ გვალას, კონკა დიდი ბორბალოშ ბჟაეიოლ კართეს. ჟინი მალობას გვალაშ წყარმალუ რე, უკული გჷშმურს ალაზანიშ დჷკიშა დო ინოჸელებუ. აკათუ მინგეჩაურიშ წყაროთხილუს (აზერბაიჯანი). წყაროთხილუშ ეგაფაშახ ალაზანი ბონას მტკვარს აკათუდჷ.
ალაზანი | |
---|---|
![]() | |
დოხასიათაფა | |
სიგჷრძა | 390 კმ |
ღანჩოშ ფართობი | 11 800 კმ² |
წყარიშ ნაკადი | |
ოდუდე | კავკაციონი (საქორთუო) |
ინაკათუუ | მინგეჩაურიშ წყაროთხილუ (აზერბაიჯანი). |
ორენი | |
![]() | |
ქიანეფი | ![]() ![]() |
![Thumb](http://upload.wikimedia.org/wikipedia/commons/thumb/c/c1/Alazani.jpg/640px-Alazani.jpg)
ალაზანი ეთმიჯუმუაფუ დიხაშითუდონი, ჭვემაშ დო თირიშ წყარით. წყარიშ გიმნაკათაშ მეხოლაფირო 40 % მოურს დიხაშთუდონ წყარშა, ჭვემაშა დო თირშა — 30-30 %. წყარალა უჩქჷ აფუნიშ დო ზარხულიშ მაართა გვერდის, წყარმოლაფა - დამორჩილს. ზოთონჯი წყარმარჩხა რე. აფუნს მოურს წყარიშ გიმნაკათაშ 38,3 %, ზარხულს — 29,1 %, დამორჩილს — 20,3 %, ზოთონჯის — 12,3 %. ალაზანი ვეჸინუ.
ალაზანიშ კვარჩხანი ნადუეფი რე: სტორი, ლოპოტა, ინწობა, ჩელთი, დურუჯი, ავანისხევი, კაბალი, მაწიმისწყალი, გიშისწყალი (აგრიჩაი) დო შხვა. მარძგვანი — ილტო, თურდო, კისისხევი, ჭერმისხევი დო შხვა. კანკალე ნადუ რე პოპორული (ღვარცოფული) (მაგ., დურუჯი). ალაზანს მინგეჩაურიშ წყაროთხილუშა ირწანურო მიშმუღჷ 2,5 მლრდ მ³ წყარი. გჷმირინუანა ოწყარალო.
- აფხაზავა ი., ქორთული სხუნუეფიშ ენციკლოპედია, ტ. 1, ხს. 262, ქრ., 1975 წანა.
- აფხაზავა ი., ენციკლოპედია „საქართველო“, გვ. 88, თბ, 1997
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.