From Wikipedia, the free encyclopedia
ჩაჩანეფი — ერი (უმოს თინაშო, ოართე ბადებაშ (წარმოშობაშ) დო ნინაშ მაღვენი ეთნიკური ბუნეფი). მუშ დუდიშა უჯოხონა „რომა“. კანკალე ბუნეფი მუშ დუდის მიშინუანა მუჭოთ „სინტის“. ჩაჩანეფი ბადებათ ინდოეთიშე მუმაულარი ეთნიკური ბუნა რე. ოხორანა ევროპაშ, აზიაშ, ამერიკაშ დო აფრიკაშ ბრელ ქიანას, თაშნეშე ავსტრალიას.
ინგლისარეფს თინეფშა ტრადიციულო უჯოხონა Gypsies (Egyptians — „ეგვიპტარეფი“), ესპანარეფი — Gitanos, ფრანგეფი — Bohémiens (ბოჰემიარეფი), Gitans ვარა Tsiganes, გერმანალეფი — Zigeuner, იტალიარეფი — Zingari, ნიდერლანდარეფი — Heidens („კერპთაყვანიშმაჩამალეფი“), უნგრალეფი — Cigany ვარა Pharao nerek („ფარაონიშ ტომი“), ფინარეფი — mustalaiset („უჩეფი“), თურქეფი — Çingerie, Çingane; ურიეფი — Tso’anim (צוענים), მოურსჷ ბიბლიური ეგვიპტური პროვინცია – „ცოანიშე“. თეჟამიშო ევროპულ ნინეფს ფართას იკვირდებუ ჩაჩანეფიშ ეთნონიმი – „რომა“.
შხვადოშხვა სტატისტიკური მუნაჩემეფით ჩაჩანეფიშ რიცხუ მოსოფელს 2,5 – 12 მილიონ კოჩის შქას რე. ჸოფილ სხუნუეფიშ რსხუს თინეფიშ რიცხუ ოფიციალური მუნაჩამეფით 175,3 ვითოში რდჷ. მაჟირა მოსოფელიშ ლჷმაშ ჟამს მეხოლაფირო 20 ვითოში ჩაჩანი ცენტრალურ დო ბჟაეიოლ ევროპას ნაცისტეფქ გოჭყვიდეს.
ჩაჩანეფი იჩიებუნა ჩაჩანეფიშ ნინაშა, ნამუთ მუსხირენ დიალექტო ირთუ. თაშნეშე იჩიებუნა თი ნაციეფიშ ნინაშა, ნამუეფიშ შქასჷთ იგვალარზენუანა დო ოხორანა.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.