ნუკუალოფა

ნუკუალოფა (ინგლ. Nuku’alofa) — ტონგაშ ომაფეშ ნანანოღა დო ოხვისტე ნოღა. იდვალუაფჷ კოკი ტონგატაპუს. ნოღაშ მახორობა 2016 წანაშო 23,221^[1] ადამიერს აკმადგინანდჷ. თარო ოხორანა ტონგარეფი (96 %). ნოღას იდვალუაფუ ოზუღე ონიშოლი დო აეროპორტი. ნოღაშე გინმუღუნა კოპრა დო ბანანი.

ნანანოღა ნუკუალოფა ინგლ. Nuku’alofa ნუკუალოფაშ ცენტრი ნუკუალოფაშ ცენტრი ქიანა  ტონგატონგა კოკი ტონგატაპუტონგატაპუ კოორდ. -21.133333,-175.221°08′00″ ობჟ. გ. 175°12′00″ ბჟად. გ. ცენტრიშ სიმაღალა 3 მ კლიმატიშ ტიპი ტროპიკული მახორობა 23,221 კოჩი (2016) ერუანული აკოდგინალუა ტონგალეფი (96 %) ბორჯიშ ორტყაფუ UTC+13, ზარხულს UTC+14 ტელ. კოდი +676 ნუკუალოფა

ორთაშობური პიჯალეფი

ნუკუალოფა იდვალაუფუ ტონგაშ უდიდაში მანჯანიშ კოკი ტონგატაპუს. თე აბანს კლიმატი ტროპიკული ზუღაშ კლიმატი რე. წანაშ გოძვენას ჰეერიშ ტემპერატურა იძანძჷ +20 Cº-შე +26 Cº-შახ. არძაშე უმოსო ჩხე დო ლამე სეზონი იგჷნძორებჷ ქირსეთუთაშე პირელშამო. ატმოსფერული ნოლექეფიშ მუდანობა მოურს დოხოლაფირო 1500 მმ. ორთაშობური ჩანარი უმენტაშო წჷმორინაფილი რე ტროპიკული ტყალეფით, ბართვეფით დო პალმეფით.

ნოღაშ გოვითარაფაშ ისტორია

მაართა ევროპალი, ნამუქჷთ 1643 წანას კოკი ტონგატაპუს კუჩხი გედგჷნ, ნიდერლანდარი მეზუღე აბელ ტასმანი რდჷ. 1773 დო 1777 წანეფს, ნუკუალოფაშ ტერიტორიას ესურჷ ინგლისარ კაპიტანი ჯეიმზ კუკიქ. დოხოლაფირო XIX ოშწანურაშ შქა ხანშო ტონგაშ კოკეფიშ ბუნეფქ აკიართიანეს მაფაშ ხეშულობაშ გიმე, ნამუშათ 1900 წანას ხექ მიჭარინჷ ხეკულუაშა გოართოიანაფილ ომაფეწკჷმა ომეფაშე პროტექტორატიშ მიშაღალაშ გეშა. 1970 წანას, პროტექტორატიშ გოუქვაფაშ უკული ქიანაქ ზოხორინელ სახენწჷფოთ გჷმიცხადჷ დო ნუკუალოფაქ ტონგაშ ნანანოღაშ სტატუსი მიპალჷ.

მახორობა, ნინა, რწუმა

ნოღაშ მახორობაშ მუდანობა — 23,221 ადამიერი (2016). ნოღას თრო ოხორანა ტონგარეფი (96 %). ჟირი ოფიციალური ნინა რე — ტონგური ნინა დო ინგლისური ნინა. მორწუმეეფი, უმენტაშო — მორმონეფი რენა.

კულტურული შანულობა

ტონგაშ ნანანოღაშ თარი ოქინაფუ რე 1867 წანას აკნაგებუ ომაფე დოხორე. ნოღაშ ელმოლს ასქილადირი რე ოკიანეთიშ ჯვეში ცივილიზაციაშ დუდოთხილუე დგჷმილეფიშ აკნაცჷმეფი დო ჯვეში ტონგარი არისტოკრატეფიშ ონთხორუეფი. ნოღას მიარე სქვამი პლაჟეფი რე. ჯოხოგოლაფირი რე ორქიდეაშ მიარე გვარობათ, ნამუეფჷთ ნოღაშ ხურგეფს ჩანსჷნ.

რესურსეფი ინტერნეტის

• ნუკუალოფა — ენციკლოპედია ბრიტანიკა (ინგლისური)

სქოლიო

1. Tonga: largest cities and towns and statistics of their population World Gazetteer (ინგლ.) (გერ.) (ფრანგ.) (ესპ.)