მოსოფელიშ ბონდღი

მოსოფელიშ ბონდღი (ინგლ. World Wide Web; თაშნეშე: ვები, W3, WWW) — დორთილი საინფორმაციო სისტემა, ნამუსჷთ დოკუმენტეფი დო შხვა ვებ-რესურსეფი იდენტიფიცირებუ რესურსეფიშ უნიფიცირებული ლოკატორით URL (Uniform Resource Locator), სამანგათ https://www.example.com/, ნამუთ შილებე ურთიართმერსხილი რდას ჰიპერტექსტწკჷმა დო ხემიოლუს რე ინტერნეტით.^[1][2] ბონრღიშ რესურსეფი გინიჩამუ ჰიპერტექსტიშ გინოცამაშ პროტოკოლით HTTP დო შილებე ხემიოლუს ორდას მახვარებუეფშო პროგრამული უნარღელჸუაშ გჷმორინაფათ, ნამუსჷთ ჯოხო ვებ-ბრაუზერი დო გჷმობჟინაფილი რე პროგრამული უნარღელჸუათ, ნამუსჷთ მუშჸურე ჯოხო ვებ-სერვერი.

მოსოფელიშ ბონდღიშ „ისტორიული“ ლოგო, ნამუთ რობერტ კაიოქ 1990 წანას გაჭყჷნ. კაიოშ მეჯინათ, ლოგო აკმკოდირთჷ Optima Bold ფონტით რსულებური სუმი „W“ ასოშე.

ინგლისარი ინჟინერი, სერ ტიმოთი ჯონ ბერნერს-ლიქ მოსოფელიშ ბონდღი გჷმიგონუ 1989 წანს, დორხველი პირველი ვებ-ბრაუზერი — 1990 წანას, CERN-ს მუშობაშის ჭარჷ, შვეიცარიაშ ნოღა ჟენევას.^[3][4] ბრაუზერი CERN-იშ ფარგანეფს გალე პირველაშე გჷმიბჟინუ 1991 წანას, დიო შხვა რკვიებაშ ორგანიზაციეფშო 1991 წანაშ ღურთუთას, 1991 წანაშ მარაშინათუთას ფართო ჯარალუაშო. მოსოფელიშ ბონდღი რე ინფორმაციული ერაშ აკოგაფაშ ცენტრალური ნორთი დო თარი საშვალება, ნამუშით მილიონობათ ადამიერი ურთიართქიმინჯენს ინტერნეტის.^{[5][6][7][8][9]}

ვებ-რესურსი შილებე ორდას გიმოხარგელი ირნერი ტიპიშ მედია, ვებ-ხასჷლეფი რე ჰიპერტექსტური მედია, ნამუთ ფორმატირებული რე ჰიპერტექსტური მოღანკუაშ ნინათ (HTML).^[10] მოგვენი ფორმატირება საშვალებას ირზენს ინოგაფილქ იჸუას ჰიპერრსხილეფქჷნ, ნამუეფჷთ იკათუანა URL-ს დო მახვარებუეფს შხვა ვებ-რესურსეფშა გინულაშ საშვალებას არზენა. ტექსტიშ მოხ, ვებ-ხასჷლეფი შილებე იკათუანდან სურათის, აუდიო, ვიდეო დო პროგრამული კომპონენტეფიშ გეშა ჩინებეფს, ნამუეფჷთ მახვარებუშ ბრაუზერს გიშეძირე მულტიმედიიური მასალაშ მოღვენი მემარსხუაფალი ხასჷლეფიშ სახეთ.

სქოლიო

1. Tobin, James (2012-06-12). Great Projects: The Epic Story of the Building of America, from the Taming of the Mississippi to the Invention of the Internet (en). Simon and Schuster. ISBN 978-0-7432-1476-6.
2. What is the difference between the Web and the Internet?. W3C (2009). დოარქივაფილი რე ორიგინალშე 9 კვირკვე, 2015-ს. კითხირიშ თარიღი: 31 მესი, 2020.
3. McPherson, Stephanie Sammartino (2009). Tim Berners-Lee: Inventor of the World Wide Web. Twenty-First Century Books. ISBN 978-0-8225-7273-2.
4. Quittner, Joshua. “Network Designer Tim Berners-Lee“, Time Magazine, 29 მელახი, 1999. კითხირიშ თარიღი: 17 მესი, 2010. დოარქივაფილი რე ორიგინალშე 15 მარაშინათუთა, 2007-ს. „He wove the World Wide Web and created a mass medium for the 21st century. The World Wide Web is Berners-Lee's alone. He designed it. He set it loose it on the world. And he more than anyone else has fought to keep it an open, non-proprietary and free.“
5. In, Lee (2012-06-30). Electronic Commerce Management for Business Activities and Global Enterprises: Competitive Advantages: Competitive Advantages (en). IGI Global. ISBN 978-1-4666-1801-5.
6. Misiroglu, Gina (2015-03-26). American Countercultures: An Encyclopedia of Nonconformists, Alternative Lifestyles, and Radical Ideas in U.S. History: An Encyclopedia of Nonconformists, Alternative Lifestyles, and Radical Ideas in U.S. History (en). Routledge. ISBN 978-1-317-47729-7.
7. World Wide Web Timeline. Pew Research Center (11 მელახი, 2014). დოარქივაფილი რე ორიგინალშე 29 კვირკვე, 2015-ს. კითხირიშ თარიღი: 1 მარაშინათუთა, 2015.
8. Dewey, Caitlin (12 მელახი, 2014). 36 Ways the Web Has Changed Us. The Washington Post. დოარქივაფილი რე ორიგინალშე 9 ეკენია, 2015-ს. კითხირიშ თარიღი: 1 მარაშინათუთა, 2015.
9. Internet Live Stats. დოარქივაფილი რე ორიგინალშე 2 კვირკვე, 2015-ს. კითხირიშ თარიღი: 1 მარაშინათუთა, 2015.
10. (2007) New Perspectives on Microsoft Office Access 2007, Comprehensive. Cengage Learning, ხს. 390. ISBN 978-1-4239-0589-9.