From Wikipedia, the free encyclopedia
თეოდორიხ დიდი (გოთ. *𐌸𐌹𐌿𐌳𐌰𐍂𐌴𐌹𐌺𐍃, ბერძ. Θευδέριχος, ლათ. Theoderīcus, დ. 454 — ღ. 30 მარაშინათუთა, 526) — ოსტგოთეფიშ მაფა (475-526), იტალიაშ მაფა (493-526), ვესტგოთეფიშ რეგენტი (511-526) დო ბჟაეიოლი რომიშ იმპერიაშ პატრიცი, ამალეფიშ გოთური დინასტიაშ წჷმმარინაფალი. თეოდორიხიქ აკაართიანჷ გოთეფი ართი ხეშუულებაშ თუდო დო მართუნდჷ იმპერიას, ნამუთ გინოზინდილი რდჷ ატლანტიშ ოკიანეშე ადრიატიკაშ ზუღაშახ. თეოდორიხი მუში დუს მაფას უძახუდჷ. ნამთინე მენცარეფიშ აზრით თინა რდჷ იმპერატორი ხოლო მუშენდა თეოდორიხიშ კონტროლიშ თუდო რდჷ ჸოფილი ბჟადალი რომიშ იმპერიაშ უდიდაში ნორთი.
| თეოდორიხ დიდი | ||
.png) ორქოშ მონეტა თეოდორიხიშ გჷმოხანტუათ | ||
| ოსტგოთეფიშ მაფა | ||
|---|---|---|
| პოსტის გერინაშ ბორჯი | ||
| 471 – 30 მარაშინათუთა, 526 | ||
| წიმოხონი | თეოდემირი | |
| მონძე | ატალარიხი | |
იტალიაშ მაფა | ||
| პოსტის გერინაშ ბორჯი | ||
| 15 მელახი, 493 – 30 მარაშინათუთა, 526 | ||
| წიმოხონი | ოდოაკრი | |
| მონძე | ატალარიხი | |
ვესტგოთეფიშ მაფა | ||
| პოსტის გერინაშ ბორჯი | ||
| 511 – 30 მარაშინათუთა, 526 | ||
| წიმოხონი | გეზალეხი | |
| მონძე | ამალარიხი | |
| დუნაბადი | 454 კარნუნტიშ გოხოლუას, (თეხანური თუდოლენი ავსტრიაშ ტერიტორიას), ბჟადალი რომიშ იმპერია | |
| ნაღურა | 30 მარაშინათუთა, 526 (71-72 წანერი) რავენა, ოსტგოთეფიშ ომაფე | |
| მუმა | თეოდემირი | |
| ნანა | ერელიევა | |
| ალმასქუ | აუდოფლედა | |
| სქუალეფი | ამალასუნთა თეუდიგოტა ოსტროგოთო | |
| რელიგია | არიანალობა | |
თეოდორიხი რდჷ ოსტგოთი დიდებუანიშ სქუა. მუჭოთ ბიზანტიაშ იმპერატორიშ ტყვე ირდუდჷ კონსტანტინოპოლს, სოდეთ ბიზანტიური გონათაფა მეუღებუ. 470 წანაშო პანონიაშა დირთჷ. 470-იან წანეფს მონაწილენდჷ ოურდუმე კამპანიეფს სარმატეფიშ მეხჷ. 471 წანას თეოდორიხიქ გინირთჷ ოსტგოთეფიშ მაფათ. 483 წანას ბიზანტიაშ იმპერატორი ზენონქ თეოდორიხი ქუდარინუ აკოანჯარაფილი ნძალეფიშ მანჯღვერთარო დო ართი წანაშ უკულ კონსულო. მარა თეოდორიხის ბიზანტიაწკჷმა იშენ ჯგირი ურთიართალა ვაუღუდჷ. ფშხირას გითმიანთხუდჷ ბიზანტიაშ ტერიტორიეფს.
489 წანას ზენონიშ ზოჯალათ, თეოდორიხიქ მანწყუ ლესქერობა იტალიაშ მაფა ოდოაკრიშ მეხჷ. თეოდორიხიქ იტალიაშა გემშეჭკირჷ, დამარცხჷ ოდოაკრი დო დოჸვილუ. 505 წანას გაფართინუ მუში ხეშუულება ბალკანეთის. 511 წანას თიში ეფექტური კონტროლიშა მიშელჷ ვესტგოთეფიშ ტერიტორიეფქ ესპანეთის. თაშნეშე თეოდორიხიშ ჰეგემონიაშ თუდო რდჷ ბურგუნდიალეფიშ დო ვანდალეფიშ ომაფეეფი. 512 წანას თეოდორიხიქ გიშაშქჷ ედიქტი, ნამუთ გერსხილი რდჷ რომაული სამართალს. ედიქტი აკანონენდჷ დოლმახორალას დო თხილანდჷ დიდებუანეფიშ ნებეფს. თეოდორიხიქ ღურუ 526 წანაშ 30 მარაშინათუთას. დასაფულეს რავენაშ მავზოლეუმს.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
