განგი

განგი (სანსკ. गङ्गा,Gaṅgā) - ინდოეთიშ თარი წყარმალუ, ინდუიზმიშ ოშურიელე წყუ, ოდუდე ჰიმალაეფს უღჷ, სოდეთ ჟირი წყარმალუ აკმიკათუნა: ბაგირათხი-განგი დო ალანკანდა-განგი. ობჟათე აზიაშ ართ-ართი არძაშე წყარგოფშა (ბრაჰმაპუტრაწკჷმა ართო, მოსოფელს 3-ა აბანსიე წყარგოფშაფაშჸურე ამაზონიშ დო კონგოშ უკული^[2]) დო გჷრძე წყარმალუ რე (2700 კმ). განგი ოდუდეს ეთმეჭოფუნს ბჟადალი ჰიმალაეფს, განგოტრიშ ჯიშთიშე, ინდოეთიშ შტატი უტარაკჰანდის, მეხჷრჩანს ობჟათე-ბჟაეიოლშა, ინდოეთიშ ოორუეს გჷნმოჭკირუნს ინდ-განგიშ რზენს, ინმაკათუ ბენგალიშ ჸუჯის, წყარმალუ ბრაჰმაპუტა დო მეგჰნაწკჷმა ართო აკმოქიმინუნს განგ-ბრაჰმაპუტრაშ დელტას (უმენტაშო ბანგლადეშიშ ტერიტორიას), ნამუშ ნორთი სუნდარაბანიშ ტყალეფით რე ფორილი. წყარიშ ღანჩოშ ფართობი — 1 060 000 კმ²^[3].

განგი
गङ्गा
განგი ონჯუას
დოხასიათაფა
სიგჷრძა	2 510 კმ კმ
ღანჩოშ ფართობი	907 000 კვ. კმ კმ²
წყარიშ ხარჯი	12 ვითოში[1] მ³/წმ
წყარიშ ნადუ
ოდუდე	ჰიმალაეფი
• სიმაღალა	4489 მ
• კოორდინატეფი	30.2475,79.00388930°14′51″ ოორ. გ. 79°00′14″ ელ. გ.
ინაკათუ	ბენგალიშ ჸუჯი, ინდოეთიშ ოკიანე
იდვალუაფუ
ქიანეფი	ინდოეთი,  ბანგლადეში
რეგიონი	აზია, ინდოსტანიშ ჩქონი
განგი ვიკიოწკარუეს

წყარმალუ განგის მუში დელტა უღჷ. განგიშ დელტა იდვალუაფუ სახენწჷფო ბანგლადეშის.

განგი ინდუისტურ მითოლოგიას — ჟიცაშობური წყარმალუ, ნამუქჷთ დიხაუჩაშა გეგმორთ დო წყარმალუ განგო გჷნირთჷ. მითაჟამიშ ბორჯიშე ინდუისტეფიშ წიმინდე წყარმალუთ იკოროცხუ. ინდუისტეფი განგიშა გჷთახვამალო გილულა, გჷშაკერძაფილო თიშ ოდუდეშა დო გიშმახჷრჩე ნოღეფშა: ჰადირვარი, ვარანასი დო ალაჰაბადი (წყარმალუ ჯამუნაშ დინოკათუაშ აკანს). განგიშ წყარპიჯის კრემაციას ასრულენა, წყარს გჷთმოფანტჷნა ღურელი ინდუისტეფიშ ნაველს დო რიტუალურ გონბონუას ასრულენა.

ჰიდროგრაფია

წყარმალუ განგიშ ჟილენი ნორთი

ქოძირით თაშნეშე

• ინდოეთიშ წყარმალუეფიშ ერკებული

ლიტერატურა

• Alley, Kelly D. (2002), On the banks of the Gaṅgā: when wastewater meets a sacred river, University of Michigan Press, ISBN 978-0-472-06808-1, http://books.google.com/books?id=gVOryDX8KdUC, წაკითხულია: 26 July 2011
• Alter, Stephen (2001), Sacred waters: a pilgrimage up the Ganges River to the source of Hindu culture, Harcourt, ISBN 978-0-15-100585-7, http://books.google.com/books?id=qb9yQgAACAAJ, წაკითხულია: 26 July 2011
• Blurton, T. Richard (1993), Hindu art, Harvard University Press, ISBN 978-0-674-39189-5, http://books.google.com/books?id=xJ-lzU_nj_MC, წაკითხულია: 26 July 2011

სქოლიო

1. Ganges discharge at Farakka station, India, 1949-1973. River Discharge Database. დოარქივაფილი რე ორიგინალშე 2012-02-09-ს.
2. http://slovari.yandex.ru/dict/bse/article/00016/61500.htm%5Bღურელი+რსხილი%5D
3. ბრაჰმაპუტრაშ ღანჩოშ უმუშო. ჯამუნაშ (ბრაჰმაპუტრაშ) ღანჩოშ დინიკოროცხუათ — 1 643 000 კმ²

რესურსეფი ინტერნეტის

ვიკიოწკარუეს^? რე ხასჷლა თემაშენ:

განგი

• ON THINNER ICE 如履薄冰: signs of trouble from the Water Tower of Asia, where headwaters feed into all the great rivers of Asia (by GRIP, Asia Society and MediaStorm)
• Ganges in the Imperial Gazetteer of India, 1909
• Melting Glaciers Threaten Ganges