მიანმარი ვარდა ბირმა (ედომუშამი ჯოხოდვალა – მიანმარიშ ოკათე რესპუბლიკა) — სახენწჷფო ობჟათე–ბჟაეიოლ აზიას, მილარე ინდოჩინეთიშ ჩქონიშ ბჟადალ ნორთის. ლათინურო იჭარუაფუ: Myanmar, Burma. ზიტყვა „მიანმა“ (ბირმ. ) შანენს „ჩქარს“, „მანგარს“ დო გინმაბუნუ ზიტყვა „მია–ს“: — ზურმუხტი. ქიანაშ მახორობაშ ედომუშამი ჯოხოდვალა რე ბირმალეფი, მახორობაშ უმენტაშობა იჯოხოდვალუაფუ — „ბამათ“ (ბირმ.
).
მიანმარიშ ოკათე რესპუბლიკა | |
---|---|
![]() |
![]() |
![]() | |
ნანანოღა | ნეიპიდო |
უდიდაში ნოღეფი | იანგონი, მანდალაი, მოლამიამინი |
ოფიციალური ნინა | ბირმული ნინა |
თარობა | უნიტარული რესპუბლიკა ოურდუმე ხუნტაშ მართულაშ თუდო |
პრეზიდენტი | მინ შვე (ს.მ.) |
ვიცე–პრეზიდენტეფი | მინ აუნ ჰლაინი |
ფართობი | 678 500 კმ²(39-ა) |
მახორობა | 50 020 000 (მა-24) |
ვალუტა | მიანმარული კიარტი |
ბორჯიშ ორტყაფუ | UTC +6:30სთ |
ქიანაშ კოდი | MMR |
ოინტერნეტე კოდი | .mm |
ოტელეფონე კოდი | +95 |
2010 წანაშ გჷმათუთას მიანმაქ დოთირუ ქიანაშ ჯოხოდვალა მიანმაშ ოკათე, მიანმარიში ოკათე რესპუბლიკა–შა, თეწკჷმა ართო თირელქ იჸუ ქიანაშ სახენწჷფო გერბი დო შილაქ.
გეოგრაფია
მიანმა ოთანჯჷ ინდოეთის (1463 კმ) დო ბანგლადეშის (193 კმ) ბჟადალშე, ჩინეთის (2185 კმ) ოორუე–ბჟაეიოლშე, ლაოსის (235 კმ) ბჟაეიოლშე დო ტაილანდის (1800 კმ) ობჟათე–ბჟაეილშე. ობჟათეშე დო ობჟათე–ბჟადალშე ომძღჷ ბენგალიშ ჸუჯი დო მოუტამაშ ჸუჯი (მარტაბანი), დო ხოლო ანდამანიშ ზუღა. ქიანაშ ფართობი, გოხოლუაშ კოკეფწკჷმა ართო, რე 678 ვითოში კმ², წყარპიჯიშ ღოზიშ სიგინძა რე — 1930 კმ.
კლიმატი
მიანმარს უმენტაშო ტროპიკული დო სუბეკვატორული კლიმატი რე. გჷმირთუ სუმი სეზონი:
- ლენჭყი (მესიშ ბოლოშე გჷმათუთაშ ბოლოშა);
- მორგილე — (გჷმათუთაშ ბოლოშე ფურთუთაშ ოშქაშეშა);
- დო ჩხე — (ფურთუთაშ ოშქაშეშე მესიშ ბოლოშა);
![Thumb](http://upload.wikimedia.org/wikipedia/commons/thumb/4/42/MonStateMudon.jpg/640px-MonStateMudon.jpg)
ღურთუთას, თუთაშ ოშქაშე ტემპერატურა რე +24° С იანგონს, +21° C მანდალაის, ზარხულს მაქსიმალური ტემპერატურა რე +41° C. გვალამ რაიონეფს უმოსო ჩხურუ რე (მაგალითო, შანიშ ლაკადას ზოთონჯიშ პერიოდის, სერით ტემპერატურაქ შილებე ნულს თუდო დიკინას), ღურთუთას, რზენეფს ტემპერატურა +15° С–შე მეტი ვარე.
ჰიდროლოგია
მიანმარიში თარი წყარმალუეფი ოდუდეს ეთმეჭოფუნა გვალეფს დო ინდოეთიშ ოკიანეშ ბასეინს ორხველჷნა.
მინამარიშ უდიდაში წყარმალუეფი რე – ირავადი, მეკონგი, სალუნი, სიტაუნი დო ჩინდუნი. ტობეფი ბრელი რე, თინეფშე არძაშე უმოსი დიდი რე — ტობა ინლე დო შანიშ ლაკადა.
ნანანოღა
მიანმარიშ ნანანოღა — ნოღა ნეიპიდო (მანდალაიში ადმინისტრაციული აკანი), დორსხუაფილი რე გვალა პინამანაშ ბჟადალშე სუმ კოლომეტრიშე.
ადმინისტრაციული დორთუალა
![Thumb](http://upload.wikimedia.org/wikipedia/commons/thumb/b/bc/Burma_en.png/640px-Burma_en.png)
მიანმარიშ 1974 წანაშ კონსტიტუციათ, ქიანა რე უნიტარული სახენწჷფო. ქიანა დორთილი რე 7 აკანო (ტაიინგი) დო 7 შტატო (პუი–ნე). აკანეფი დო შტატეფი ირთუ რაიონეფო (მიონე), ნამუთ რენა რსხილი ნოღეფი (მიო) დო ოფოტუეფი (გიმენრაიონეფი), ნამუთ აკმაართანა ნოღაშ კვარტალეფს (იაკვე) დო ოფოტუეფიშ ბუნას (ჩეიუა).
მახორობა
ქიანაშ მახორობა რე 50 მლნ კოჩი, მახორობაშ ეთნიკური აკოდგინალუა: ბირმალეფი — 68 %, შანეფი — 9 %, კარენეფი — 7 %, არაკანალეფი — 4 %, ჩინარეფი — 3 %, ინდოარეფი — 2 %, მონეფი — 2 %, შხვა — 5 %.
რელიგია
მიანმარი — მიარეკონფესიური ქიანა რე, მარა მახორობაშ უმენტაშობა ბუდისტეფი რენა (თერავადაშ სკოლა). მახორობაშ კონფესიური აკოდგინალუა: ბუდისტეფი — 89 %, ქირსიანეფი — 4 %, მუსულმანეფი — 4 %, ანიმისტეფი — 1 %, შხვა — 2 %.
რესურსეფი ინტერნეტის
- ოთარობე გიშმაშკუმალარი "მიანმარი თაიმსი" (ინგლისურ დო ბირმულ ნინაშა)
- ზოხორინელი გიშმაშკუმალარი "ირავადი" (ინგლისურ დო ბირმულ ნინაშა)
- myanmar.gov.mm
- Chief of State and Cabinet Members Archived 2012-02-07 ვებ-ხასჷლას Wayback Machine.
- Burma from UCB Libraries GovPubs
- Online Burma/Myanmar Library: Classified and annotated links to more than 17,000 full-text documents on Burma/Myanmar
- Interactive timeline of turning points in Burmese history
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.