From Wikipedia, the free encyclopedia
აისლებენი (გერმ. Lutherstadt Eisleben) — ნოღა გერმანიაშ საქსონია-ანჰალტიშ აკანს. თე ჭიჭე ნოღა ედომუშამი მოსოფელს რე ჩინებული, რახან თინა მარტინ ლუთერიშ ოდაბადე რე, თაჸურეშე მოურს თიშ გერმანული ჯოხო ხოლო ლუთერშდატდ-აისლებენი. 2009 წანას, ნოღაშ მახორობა 25 703 ადამიერს აკმადგინანდჷ.[1]
| ნოღა | |
|---|---|
| აისლებენი
Lutherstadt Eisleben | |
 | |
| გერბი | |
 | |
| ქიანა | გერმანია |
| აკანი | საქსონია-ანჰალტი |
| კოორდინატეფი | 51°31′00″ ოორ. გ. 11°33′00″ ელ. გ. |
| ფართობი | 143.81 კმ² |
| ცენტრიშ სიმაღალა | 114 მ |
| მახორობა | 25 703 კოჩი (2009) |
| მეჭედალა | 179 კოჩი/კმ² |
| ბორჯიშ ორტყაფუ | UTC(UTC+1/+2) |
| ოფოსტე ინდექსი | 06295 |
| ოფიციალური საიტი | http://www.eisleben.eu/ |
 | |
 |
მოსოფელიშ მონძალა UNESCO, ობიექტი № 783 რუს. • ინგლ. • ფრ. |
აისლებენი ჟირო, ჯვეში დო ახალი ნოღეფო რე გორთილი. ახალი ნოღა XIV ოშწანურას მაღაროალეფქ ეკიდეს.
აისლებენი მაართათ მოშინელიე 997 წანას, მუჭოთ ბაზარი, ნამუსჷთ ისლებია ჯოხოდჷ, ოდო უკვე 1180 წანაშე იშინუაფუ მუჭოთ ნოღა. 1780 წანაშახ თინა ნოღა მანსფელდიშ აკოდგინალუაშა მიშმეშჷ, ოდო 1780 წანაშე საქსონიაშ ოკურფიურსტეშა. 1815 წანაშე პრუსიაშ აკოდგინალუაშა მიშელჷ, ოდო მაჟირა მოსოფელიშ ლჷმაშ უკული საქსონია-ანჰალტიშ აკანშა.
პროტესტანტი რეფორმატორი მარტინ ლუთერქ აისლებენც 1483 წანაშ 10 გერგობათუთას დებადჷ. მუამუში, ჰანს ლუთერი, ნოღაშ ბრელი შხვა მახორუშნერო მაღაროალი რდჷ. მარტინი გვალო ართი წანერი რდჷ, მუჟამცჷთ ფანიაქ ოხორინალო მანსფელდშა გჷნორთჷნ, ოდო რინაშ უდიდაში ნორთი ნოღა ვიტენბერგის მუკორთჷ, მარა მარცხო დო ვარ ბედიშ განგებათ, მუში ეკონია ქადაქი, სოდეთ თიქ ქოთ დოღურუნჷ, წორას აისლებენს ამანჯუ (1546 წ.)
1996 წანას, ნოღაშ მარტინ ლუთერწჷმა მერსხილი მემორიალური აბანეფი, ნოღა ვიტენბერგიშ ანალოგიურ აბანეფწკჷმა ართო, იუნესკოქ მოსოფელიშ მონძალაშ ერკებულშა გემშეღჷ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
