From Wikipedia, the free encyclopedia
H, h — ლათინური ანბანიშ მა(ბ)რუო ასო. სემიტური ასო ח (ḥêṯ) შილებე წჷმარინუანდკო უხონარე ფარინგულს (IPA /ħ/). ასოშ ფორმა ოეგებიეთ ღობერს ეთმეშანენდჷ. ორდოშიანი ბერძენული H შანენდჷ /h/, მარა მოგვიანაფათ თე ასო, ეტა (Η, η), გჷნძე ხონარამო გჷნირთჷ /ɛː/. (თეხანურ ბერძენულს თე ფონემიქ ქემიასვარჷ /i/, ინგლისურიშ მოგვენო, სოდე EA /ɛː/ და EE /eː/ ჟირხოლო გჷმირაგადჷ მუჭოთ /i:/.)
ლათინური ასო „H“ | |
---|---|
ჯოხოდვალა | |
H: |
LATIN CAPITAL LETTER H |
h: |
LATIN SMALL LETTER h |
უნიკოდი | |
H: |
U+0048 |
h: |
U+0068 |
HTML-კოდი | |
H: |
H ვარდაH |
h: |
h ვარდა h |
ასო „H-შ“ სურათი | |
![]() | |
ვიკიოწკარუე ![]() |
ეტრუსკულს დო ლათინურს უღუდეს /h/ მუჭოთ სიმსი, მარა რომანულ ნინეფს თე ხონარქ მედინჷ — რუმინულქ მოგვიანაფათ ხეახალო ქითხჷ თე /h/ სიმსი თიში მეძობელი სლავური ნინეფშე, ესპანურქა მაჟირალე /h/ გავითარჷ F-შე, უკული კინ მიოდინჷ, დო კასტილიურქ /x/ გავითარჷ [h] სიმსი კანკალე ესპანურნინამ ქიანეფს. გერმანულს, h ტიპიურო გჷმირინუაფუ მუჭოთ ხონარამიშ გჷმაგჷნძარაფალი, თეშ მუჭოთ სიმსი /h/. თენა შილებე თით რდუკო გოპიჯაფილი, ნამჷ-და /h/ მინშა დინუ ხონარამეფს შქას გერმანულს, მარა შილებე მერსხილი ორდას რომანულიშით /h/ დინაფაწკჷმა. ომანგეთ, H გჷმირინუაფუ მიარე გჷმოთქუალაშ სისტემას, დიგრაფეფს დო ტრიგრაფეფს, მუჭომით რე ch ესპანურს დო ინგლისურს /tʃ/, ფრანგულს /ʃ/ გიშმურს /tʃ/-შე, იტალიურს /k/, გერმანულს /χ/.
კომპიუტერიშ კლავიატურას წჷმარინუანს გეჸვენჯი სიმბოლოეფიშ ართობურობას: