1990-იანეფი
ვითწანურა / From Wikipedia, the free encyclopedia
1990-იანი (ვითოშ ჩხოროშ ოთხონეჩდოვითიანი) წანეფი, თაშნეშე ჩინებული, მუჭო 1990-იანეფი ვარდა უბრალეთ ოთხონეჩდოვითიანეფი — გრიგორიანული კალენდარიშ ვითწანურა, ნამუქჷთ დიჭყჷ 1990 წანაშ 1 ღურთუთას დო 1999 წანაშ 31 ქირსეთუთას გეთუ.
1990-იანეფი ეიშინუაფუდჷ გლობალიზაციაშ პროცესიშ ბიწორუათ, ნამუქჷთ სხუნუეფიშ რსხუშ აკოცჷმას დო რგილი ლჷმაშ თებას მაჸუნუ. ვითწანურაშ ფორმირაფას შანულამი თია მიშეღჷ 80-იანეფიშ რეცესიაქ დო პერსონალური კომპიუტერეფიშ გორჩქინაქ ოშქაშე კლასიშ ფანიეფშო, ნამუქჷთ მუშჸურე, ინტერნეტი საარძოთ ჩინებულო გინართინჷ. ინტერნეტიქ თეხანური კულტურაშ რევოლუციურ გოვითარაფას ქეშუნწყუ ხე დო ინტეგრაციაშ დო თელი მოსოფელს პოპულარული კულტურაშგოფაჩუაშ საქმეს თარ საშუალებათ გჷნირთჷ.
პერსონალური კომპიუტერეფიშ დო ინტერნეტიშ გოფაჩუაქ ეკონომიკურ წარმადობას გუძინჷ, წორწი ბაზარა კერზო ინვესტიციეფიშ მაღალი მაძირაფალი ამერიკეალეფიშ, ობჟათე კორეალეფიშ, ავსტრალიარეფიშ დო ევროპალეფიშ პიჯული ჯგირობუაშ ოსხირო გჷნირთჷ.