From Wikipedia, the free encyclopedia
ხარაგაული — დაბა, ხარაგაულიშ მუნიციპალიტეტიშ ადმინისტრაციული ცენტრი, იმერეთიშ აკანს, საქორთუოს.
დაბა
ხარაგაული
|
ხარაგაული წყარმალუ ჩხერიმელაშ ჟირხოლო წყარპიჯიშ ინწრო დო ტომბა ლეხერს იდვალუაფუ, ზუღაშ დონეშე 280―400 მეტრის. ქართიშე მოჩილათირი რე 198 კილომეტრით. (რკინაშარათ 160 კმ.)
ხარაგაულს ზუღაშ სუბტროპიკული ლამე ჰეერი რე, ზჷმიერო რგილი ზოთონჯი დო ელაზჷმაფათ სქირე ჩხე ზარხული უჩქჷ. ოშქაშე წანმწანური ტემპერატურა რე 13,2 °C, ღურთუთას — 3,2 °C, კვირკვეს — 22,6 °C., აბსოლუტური მინიმუმი -22 °C, აბსულუტური მაქსიმუმი — +40 °C. ნოლექეფიშ მუდანობა წანმოანას — 1360 მმ.
2014 წანაშ ეჭარუაშ მუნაჩემეფით, დაბას 1965 ადამიერი ოხორანდჷ.
ეჭარუაშ წანა | მახორობა | კოჩი | ოსური |
---|---|---|---|
1989[4] | 3119 | -- | -- |
2002 | 2880 | -- | -- |
2014 | 1965 | 879 | 1086 |
ხარაგაულქ გიჭყჷ, მუჭოთ რკინაშარაშ დგჷმილქ XIX ოშწანურაშ 70-იან წანეფს ფუთი-ქართიშ რკინაშარაშ გოჸუნაფაშ გეშა დო ადმინისტრაციული სტატუსი მიპალუ, უკული ომეურნე ფუნქცია უღუდჷ. წიმოხი ჯოხოდჷ ბელაგორი, უკული მიღჷ ჯოხო ხარაგაული. ხარაგაული თემიშ ცენტრი რდჷ, ნამჷშათ მიშმეშჷ ოფუტეეფი დორხველი ხარაგაული, პატარა ხარაგაული, ჯაფარაული, ჩხერი, თეთრაწყარო. დაბაშ სტატუსი მიღჷ 1944 წანას. 1949 წანაშე ჯოხოდჷ ორჯონიკიძე. 1976 წანას მახორობაშ მუდანობა აკმადგინანდჷ 3,2 ვითოშ ადამიერს. 1989 წანას, დართჷ კინოხიანი ჯოხო ხარაგაულქ. 2014 წანაშ ეჭარუაშ მეჯინათ, დაბას ოხორანდჷ 1965 ადამიერი.
ხარაგაულს მუშენს ჸვალ-კარაქიშ, ღვინიშ დო ხილ-კანკარიშ ღვინიშ ქარხანეფი. დაბას რე კულტურაშ დო მოსვანჯაშ პარკი, საჯარო სკოლა[5] 2 საბაღანო ბაღი, მაგურაფუეფიშ ჸუდე, ოსქილადე, პოლიკლინიკა, ბიბლიოთეკა, კულტურაშ ჸუდე, მუსიკაშ სკოლა, პოლიციაშ გიმნართი, ავტოტრანსპორტე ოწარმე, არქივი, კინოთეატრი. ხარაგაულს გიშმურს რკინაშარაშ ცენტრალური მაგისტრალი დო იდვალუაფუ რკინაშარაშ დგჷმილი.
ხარაგაულს რე ოკუჩხბურთე კლუბი „ჩხერიმელა“, ნამუქჷთ 1983 წანას დირსხუ. 2010 წანაშე გიშმურს საქორთუოშ ჩემპიონატიშ მაართა ლიგას, ნამუთ ბუნაშო დორხველი ისტორიაშ გოძვენას საუჯგუშ შედეგი რე. „ჩხერიმელაშ“ დინოხოლენი არენა რე ხარაგაულიშ ოკუჩხბურთე მოედანი.
ხარაგაუს იდვალუაფუ ხუროეფიშმონძღვარუაშ ძეგლი კახორი. დაბას იდვალუაფუ ხარაგაულიშ ისტორიული მუზეუმი, ნამუთ 1978 წანაშ დჷნარხუა რე.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.