From Wikipedia, the free encyclopedia
ცელულოზა (ფრ. cellulose ლათ. cellula-შე «უჯრედი, უჯრედისი») — უჯრედისი [С6Н7О2(OH)3]n, პოლისაქარიდი; ჩანარული უჯრედიშ დანცხიშ ჯინჯიერი აკმადგინალი ნორთი, ნამუსჷთ სინტკიცეს დო ელასტიკურალას არძენს ჩანარიშ შილეფი. ცელულოზა არძაშე უმოს ფაჩილი ბიოპოლიმერიე. მაგ: ბამბეშ თასიშ ბოჭკოეფს 95-98% ცელულოზა რე, ლეფონიშ მაფალუეფიშ ღერიეფც 60-90 %, მერქანც— 40 %, წვანე ფურცელეფს, ოდიარეფს — 10-25%. ცელულოზა ნაძირეფუ რე თაშნეშე ნამთინე უდაბალაშ უხერხემალე ჩხოლარს. ორგანიზმიშ ნიფთუანობეფიშ თირუაშა ცელულოზას დახე ვა უღუ ნორთი. ცელულოზა ჩე ბოჭკუანი მოღე რე (40-50 მმ-დე სიგინძაშ), სიბერჯეკე 1520-1540 კგ|მ³, წყარს დო ორგანულ გჷმანწყუმალეფს ვენწყჷმუ. ცელულოზაშ მაკრომოლეკულა D-გლუკოზაშ რულეეფშე რე აკნადგინა. ცელულოზაშ ნაწარმეფი (მაგ: აცეტილცელულოზა, ნიტროცელულოზა დო შხვა.) შანულამი ტექნიკური პროდუქტეფიე. ცელულოზაშე ხაზირანა ქარღადის, აფსკეფს (ცელოფანიშ პარკეფს), პლასტმასეფს დო ლაქეფს. ცელულოზაშ ორთაშობურ და ხელუანურ ბოჭკოეფს ფართას ირინუანა საფეიქარო რეწუას.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.