![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f1/Karte_Nationalpark_Schleswig-Holsteinisches_Wattenmeer.png/640px-Karte_Nationalpark_Schleswig-Holsteinisches_Wattenmeer.png&w=640&q=50)
შლეზვიგ-ჰოლშტაინიშ ვატოვიშ ზუღაშ ერუანული პარკი
From Wikipedia, the free encyclopedia
შლეზვიგ-ჰოლშტაინიშ ვადენზეეშ ერუანული პარკი / შლეზვიგ-ჰოლშტაინიშ ვატოვიშ ზუღაშ ერუანული პარკი (გერმ. Nationalpark Schleswig-Holsteinisches Wattenmeer) — ერუანულიი პარკი გერმანიას, შლეზვიგ-ჰოლშტაინიშ აკანს, ვადენზეეშ წყარპიჯის. დირსხუ 1985 წანას, შლეზვიგ-ჰოლშტაინიშ პარლამენტიშენი, შანულამო გეფართოუ 1999 წანას. თუდოლენი საქსონიაშ ვადენზეეშ ერუანულ პარკწკჷმა, ჰამბურგიშ ვადენზეეშ ერუანულ პარკეკჷმა დო ელბაშ ესტუარიშ კანკალე ნორთწკჷმა ართო, ნამუთ ორთაშ ტყაჩირეფი ვარე, წმოქიმინუნს ვადენზეეშ გერმანულ ნორთის.
შლეზვიგ-ჰოლშტაინიშ ვატოვიშ ზუღაშ ერუანული პარკი
Nationalpark Schleswig-Holsteinisches Wattenmeer | |
---|---|
| |
ქიანა | ![]() |
კოორდინატეფი | 54.45,8.63333354°27′ ოორ. გ. 8°38′ ელ. გ. |
ფართობი | 4 410 კმ² |
დირსხუ | 1985 |
სტუმრობა | 1 746 293 (2002) |
მადუდე ორგანო | 38855 Wernigerode |
![Thumb image](http://upload.wikimedia.org/wikipedia/commons/thumb/5/5c/Wattenmeer-Nordfriesland.jpg/640px-Wattenmeer-Nordfriesland.jpg)
ერუანული პარკი იფაჩუ ოორუეშე — გერმანია-დანიაშ ოზუღე ხურგაშ ობჟათეშე, წყარმალუ ელბაშ ესტუარშახ. ოორუეშე, პარკი იკენს ოორუე ფრიზიშ კოკეფს დო ჰალიგენს დო თინეფიშ მიკონჭაფ-მოკონჭაფაშ არეალეფს, ნამუშ სიგანე 40 კმ რე. გოფაჩილი ფლორა დო ფაუნა ტიპური რე ედომუშამი ვატოვიშ ზუღაშო, გჷშაკერძაფილო დიდი მუდანობათი რე დელფინი, კვატეფი დო ზოსტერა (ზუღაშ ოდიარე).
პარკიშ ფართობი 4 410 კმ² რე დო უდიდაში რე გერმანიას. ტერიტორიაშ 68% ირო ზუღაშ თუდო რე, 30% - პერიოდულო სქირე რე. დიხეფი თარო ჯიმუამი ჭყენჭყეფს იკენს. 1990 წანას, იუნესკოქ ბიოსფერულ ტყაჩირო აღიარჷ, დო ვატოვიშ ზუღაშ ნიდერლანდურ ნორთწკმა ართო 2009 წანასს მოსოფელიშ მონძალაშ ერკებულშა გენშიჸონჷ.