ფარავანი (ტობა)

ფარავანი — ვულკანურ-ტექტონიკური ტიპიშ ტობა ობჟათე საქორთუოს,(ნინოწმინდაშ მუნიციპალიტეტი). აშახვილჷ აბულ-სამსარიშ ქჷნდჷრს დო ჯავახეთიშ ქჷნდჷრეფს შქას დვალირ ქვაბულს, ზ. დ. 2073 მეტრაშ სიმაღალას. ფარავანიშ ტობაშ სარკეშ ფართობი რე 37,5 კმ², ინმალი წყარეფიშ არეთ – 234 კმ². ტობაშ მაქსიმალური სიტომბა – 3,3 მ, ოშქაშე – 2,2, მ. წყარიშ მოცულობა 91 მილიონი კუბური მეტრა. წყარიშ დონე არძაშე დაბალი რე გჷმათუთა-გერგობათუთას, არძაშე მაღალი მესი-მანგის. ტობა გოჸინილი რე ზოთონჯის, ჸინიშ სიფსქა რე 47-73 სმ შქას. ირდუ დიხაშთუდონი, თირიშ დო ჭვემაშ წყარით.

ფარავანიშ ტობა
დოხასიათაფა
აბანდვალა	ნინოწმინდაშ მუნიციპალიტეტი
სიმაღალა ზუღაშ დონეშე	2073
ფართობი	37,5 კმ²
მოცულობა	91 კმ³
მაქსიმალური სიტომბა	3,3 მ
ოშქაშე სიტომბა	2,2 მ
ღანჩოშ ფართობი	234 კმ²
გჷშმალი წყარმალუ	ფარავანი

აკათუ ჭიჭე წყარმალუეფი: შაორი, საბადოსწყალი, როდიონოვსკისწყალი დო მუდგაზმარენი პერიოდული ნადუ. ტობაშ ობჟათე ნორთიშე ოდუდეს ეჭოფუნს წყარმალუ ფარავანი, ნამუთ მტკვარს აკათუ მარძგვან განშე. ტობა პოპულარული რე მეჩხომეეფშო. წყარი ლიგე რე (80 მგ/ლ). დიდარი რე ჩხომით (ხრამული, კალმახა, ნაფოტა, კობრა, ჭაფალა დო შხვ.).

ფარავანიშ ტობაშ მუკი-მუკის რე ოფუტეეფი: ფოკა, ვლადიმიროვკა, ტამბოვკა, როდიონოვკა დო ასფარა.

გალერეა

• 
  ფარავანიშ ტობაშ ბჟაეიოლი წყაპიჯი
• 
  ფარავანიშ ტობა. ხედი შაორიშ გვალაშე
• 
  ფარავანიშ ტობა. ხედი შაორიშ გვალაშე

ლიტერატურა

აფხაზავა ი., ქორთული სხუნუეფიშ ენციკლოპედია, ტ. 10, ხასჷლა 221, ქართი, 1986 წანა.