![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ad/Turing-statue-Bletchley_11.jpg/640px-Turing-statue-Bletchley_11.jpg&w=640&q=50)
ტიურინგიშ პრემია
From Wikipedia, the free encyclopedia
ტიურინგიშ პრემია (ინგლ. Turing Award) — გჷმმათვალარი ტექნიკაშ ასოციაციაშ (ააშ) პრემია, ნამუთ გინმაჩამუ ინფორმატიკაშ დარგის მოხანდე მენცარეფს, კომპიუტერული მენცარობაშა მიშაღალირი კონტრიბუციაშ გეშა. ტიურინგიშ პრემია მერჩქინელი რე არძაშე უმოსო პრესტიჟული ჯილდოთ ინფორმატიკას დო თის კომპიუტერული ტექნოლოგიეფიშ ნობელიშ პრემიას ხოლო უძახჷნა. პრემია გიშარჩქინელი ინგლისარი მათემატიკოსიშ, მანჩესტერიშ უნივერსიტეტიშ პროფესორიშ, კომპიუტერული მენცარობეფიშ დო ხელუანური ინტელექტიშ პიონერიშ ალან ტიურინგიშ ჯოხონობაშ რე. 2007-2013 წანეფს ჯილდოს მოყუნდჷ ფინანსური პრემია 250,000 ამერიკული დოლარიშ მუდანობათ. პრემიას საირქიანო კომპანიეფი Google დო Intel აფინანსენდეს. 2014 წანაშე Google-იშ ფინანსური მოხვარათ, პრემიაშ მუდანობა 1 მილიონი ამერიკული დოლარი რე.
![Thumb image](http://upload.wikimedia.org/wikipedia/commons/thumb/a/ad/Turing-statue-Bletchley_11.jpg/640px-Turing-statue-Bletchley_11.jpg)
ტიურინგიშ პრემიაშ მაართა ლაურეატი 1966 წანას რდჷ კარნეგი-მელონიშ უნივერსიტეტიშ პროფესორი ალან პერლისი. პრემიაშ მაართა ოსური ლაურეატი რდჷ ამერიკალი ფრენსის ალენი.