საუდეფი
From Wikipedia, the free encyclopedia
საუდეფი (არაბ. آل سعود Āl Saʻūd) — საუდიშ არაბეთიშ მამართალი ომაფე ფანია, ნამუსჷთ ვითოშობათ მაკათური ჸუნს. თინეფი წჷმარინუანა მუჰამად იბნ საუდისა დო თიში ჯიმალეფიშ გამნარყეფს, მორო მამართალ კლასის წჷმარინუანდეს ხვალე იბნ საუდიშ ბონი გამნარყეფი.
ქიანა | საუდიშ არაბეთი |
---|---|
ტიტულეფი | მაფა, ჟირი წიმინდე მეჩეთიშ მათხილარი |
დჷმარსხუაფალი | აბდულ აზიზ იბნ საუდი |
ასეიანი მადუდე | სალმან იბნ აბდულ-აზიზ ალ საუდი |
დირსხუ | 1932 |
ერუანობა | არაბეფი |
ფანიაშ არძაშე გოლინამი მაკათური რე საუდიშ არაბეთიშ მაფა. გურგინი გინმაჩამჷნა იბნ საუდიშ სქუალეფს. 2006 წანაშ ომაფე დჷნადგინათ, მუმალს მაფაშ გიშაგორუა მოხვადუ საუდიშ მაფასქირეფიშ კომიტეტის.[1] ფანია იკათუანს დოხოლაფირო 15 000 მაკათურს, მორო რეალური ნძალაგოქუნელობა გჷნორთილი რე ხვალე დოხოლაფირო 2000 ადამიერშა.[2][3]
საუდეფიშ დინასტიაქ მუკორთჷ სუმი ფაზა: საუდეფიშ მაართა სახენწჷფო, საუდეფიშ მაჟირა სახენწჷფო დო თეხანური საუდიშ არაბეთი. საუდეფიშ მაართა სახენწჷფო გიშეგორუაფუდჷ ისლამიშ გოფაჩუათ, მაჟირა — იროიანი ბურჯაფეფით. ასეიან საუდიშ არაბეთის შანულამი გოლინა უღუ შქა ბჟაეიოლს. საუდეფს უღუდეს კონფლიქტეფი: ოსმალეთიშ იმპერიაწკჷმა, მექაშ შარიფწკჷმა, ჯებელ-შამარიშ მამართალ ფანია ალ რაშიდეფწკჷმა დო შხვადოშხვა მუსლიმანურ ჯგუბუეფწკჷმა მუჭოთ ქიანაშ დინოხოლე თეშ ქიანაშ გალე.