სანკურუშ პროვინცია
From Wikipedia, the free encyclopedia
From Wikipedia, the free encyclopedia
სანკურუშ პროვინცია (ფრანგ. Sankuru) — კონგოშ დემოკრატიული რესპუბლიკაშ პროვინცია, ნამუთ ქიანაშ ცენტრის იდვალუაფუ.
ქიანა | კონგოშ დემოკრატიული რესპუბლიკა |
სტატუსი | პროვინცია |
მიშმურს | 6 ტერიტორია |
ადმინ. ცენტრი | ლოჯა |
მახორობა (2005) | 1 374 239 (22 აბანი) |
მეჭედალა | 13,17 კოჩი/კმ² |
ფართობი | 104 331 კმ² (10 აბანი) |
ბორჯიშ ორტყაფუ | UTC+1 |
კოდი ISO 3166-2 | CD-SN |
2005 წანაშ საკონსტიტუციო რეფორმაშახ სანკურუშ პროვინცია რდჷ ჸოფილი ბჟაეიოლი კასაიშ პროვინციაშ ნორთი. ადმინისტრაციული ცენტრი — ნოღა ლოჯა. პროვინციაშ ტერიტორიას მეულა წყარმალუეფი სანკურუ, ლომამი, ლუბეფუ დო ლუკენიე.
პროვინციაშო დჷმახასიათაფალი რე ტყალეფი, ქვერჩხონეფი დო სავანეფი. რე ანდამუდანობაშ გვალეფი დო ლეხერეფი.
პროვინციას ხე ჩხოლარეფიშ შხვადოშხვა გვარობეფი, მუჭომით რე ნჯილოეფი, ზებრეფი, ანტილოპეფი, კუდუეფი, ბეჰემოთეფი, ტროპიკული გვერეფიშ, ნიანგეფიშ, კუეფიშ შხვადოშხვა გვარობეფი, ანდა შხვადოშხვა ჩხომი დო ფურინჯი, თაშნეშე ქიეფი, თინეფს შქას შიმპანზე.
პროვინციაშ მახორობა — 1 374 239 ადამიერი (2005 წანა)[1].
პროვინცია დორთილი რე 6 ტერიტორიათ:
პროვინციაშ ეკონომიკაშ ოსხირი რე ოფუტეშ მეურნობა. პროვინციას მოჸუნა ორზა, ბანანი, ანანასი, კარტოფილი, ჭაშანქარი, სორგო დო შხვადოშხვა აბანობური ობუტე-ომეურნე პროდუქტეფი.
პროვინციას რე ალმასიშ, კასიტერიტიშ დო შხვა მორგე დინოხურიშიშ ობადეშეფი. ხერეჭუა დაღარას რე გოვითარაფილი, თენა თარო ჯაშ გჷნმამუშებელი საწარმეეფი, ჩხომჭოფუა დო აბანობური მოხვარაშ ანგურაშ წარმება რე. პროვინციაშ გოვითარაფას კაბეტი პრობლემა რე გოვითარაფილი ორზალე რშვილიშ, ელექტროზირუაშ დო შხვა ინფრასტრუქტურეფიშ ვაჸოფურალა.
პროვინციას ანდა დაჭყაფური დო ოშქაშე სკოლეფი რე. სკოლეფი თარო აკოქიმინელჷ რე კათოლიკური, პროტესტანტული ვარ-და მეთოდისტური ოხვამეეფიშით. თეშ უმკუჯინალო, კონგოშ დემოკრატიული რესპუბლიკაშ ხემანჯღვერალა გონათუაშ დეპარტამენტიშ მეშქაშალათ თაშნეშე გჷთმონწყუნს ახალ სკოლეფს.
სანკურუშ პროვინციას რე მუსხირენი უნივერსიტეტი: პატრაშ ლუმუმბაშ უნივერსიტეტი კამპუსეფით ნოღა ლოჯას დო Tshume-Ste-Marie-ს, წიმინდე ანაშ უნივერსიტეტი კამპუსეფით Tshume-Ste-Marie-ს დო ლუსამბოს. პროვინციას თაშნეშე მუსხირენი კოლეჯი რე.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.