რუდოლფ ლუდვიგ კარლ ვირხოვი (გერმ. Rudolf Ludwig Carl Virchow; დ. 13 გჷმათუთა, 1821, სვიდვინი, პომერანია, პრუსიაშ ომაფე, გერმანიაშ კონფედერაცია — ღ. 5 ეკენია, 1902, ბერლინი, პრუსიაშ ომაფე, გერმანიაშ იმპერია) — გერმანალი ექიმი, ბიოლოგი, პათოლოგი, ციტოლოგი, ანთროპოლოგი, ჭარუ დო პოლიტიკოსი, შინელი რე მუჭოთ პათოლოგიაშ მუმა დო სოციალური მედიცინაშ დუმარსხუაფალი.
რუდოლფ ვირხოვი | |
გერმ. Rudolf Virchow | |
![]() | |
დაბადებაშ თარიღი: | |
---|---|
დაბადებაშ აბანი: |
სვიდვინი, პომერანია, პრუსიაშ ომაფე, გერმანიაშ კონფედერაცია |
ღურაშ თარიღი: |
ეკენია 5, 1902 (80 წანერი) |
ღურაშ აბანი: | |
მენოღალობა: |
პრუსიაშ ომაფე |
ომენცარე სფერო: | |
სამუშაშ აბანი : |
შარიტე |
ალმა-მატერი: |
ბერლინიშ უნივერსიტეტი |
ომენცარე ხემანჯღვერი: |
იოჰან პეტერ მიულერი |
ჯოხოშინელი მოგურაფეეფი: |
ფრიდრიხ დანიელ ფონ რეკლინგჰაუზენი |
ჯილდოეფი დო პრემიეფი: |
კოპლიშ მენდალი (1892) |
ხეშმოჭარუა: |
ბიოგრაფია დო მენცარული რკვიებეფი
რუდოლფ ვირხოვი გურაფულენდჷ მედიცინას ბერლინიშ უნივერსიტეტის, სოდეთ თხილუ ოდოქტორე დისერტაცია 1843 წანას იოჰან პეტერ მიულერიშ ხემანჯღვერობათ. გურაფაშ თებაშ უკულ მუშენდჷ შარიტეშ ჰოსპიტალს. 1847-1848 წანეფს ვირხოვიქ გიმირკვიუ ტიფიშ პანდემია ჟინ სილეზიას. მალას, 1848 წანას, გერმანიაშ რევოლუციას ქაკათჷ. ჸათეშ გეშათ ვირხოვი შარიტეშ ჰოსპიტალშე გუტეს. (ხუთ წანაშ უკულ შარიტეშ ჰოსპიტალშა კინ დართინეს). 1848 წანას ვირხოვიქ ბერლინი ქიდიტუ დო გეგნორთჷ ვიურცბურგიშ უნივერსიტეტიშა, სოდეთ რდჷ პათოლოგიური ანატომიაშ პროფესორი. 1856 წანას ვირხოვიქ კინ ბერლინშა დირთჷ დო მუშობა ქიდიჭყჷ ბერლინიშ უნივერსიტეტის დო შარიტეშ პათოლოგიაშ ინსტიტუტის. რდჷ პათოლოგიაშ ინსტიტუტიშ დირექტორი. ჸათე პოსტი უკებუდჷ 20 წანას. ვირხოვი რდჷ მაართა მენცარი ნამუქჷთ გიმირკვიუ შხვადოშხვა ლახარეფი: ლეიკემია, ქორდომა, ემბოლია, თრომბოზი. ვირხოვიქ მიშეღჷ ბიოლოგიური ტერმინეფი: ქრომატინი, ნეიროგლია, პარენქიმა, ამილოიდოზი, სპინა ბიფიდა დო შხვეფი. ვირხოვიქ დარსხუ აუტოპსიაშ მაართა სისტემური მეთოდი. ვირხოვი რდჷ თოლური თეორიაშ დუმარსხუაფალი. 1892 წანას ლონდონიშ ომაფე ჯარალუაქ რუდოლფ ვირხოვის გინოჩჷ კოპლიშ მენდალი. ვირხოვი რე 2000-შე უმოსი მენცარული სტატიაშ დო პუბლიკაციაშ ავტორი. ვირხოვი რდჷ ჩარლზ დარვინიშ ევოლუციაშ თეორიაშ ოპონენტი. რუდოლფ ვირხოვი ოკათუდჷ პოლიტიკას ხოლო დო ართ პერიოდის რდჷ პრუსიაშ პარლამენტიშ მაკათური.
რესურსეფი ინტერნეტის
![](http://upload.wikimedia.org/wikipedia/commons/thumb/4/4a/Commons-logo.svg/35px-Commons-logo.svg.png)
- რუდოლფ ვირხოვი - ნახანდეფი პროექტ „გუტენბერგის“
- Students and Publications of Virchow Archived 2010-07-18 ვებ-ხასჷლას Wayback Machine.
- A biography of Virchow by the American Association of Neurological Surgeons that deals with his early work in Cerebrovascular Pathology
- Article on Rudolf Virchow in Nautilus Archived 2020-10-29 ვებ-ხასჷლას Wayback Machine. retrieved on 28 January 2017.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.