![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5c/RitsaMounts.jpg/640px-RitsaMounts.jpg&w=640&q=50)
რიწაშ ტობა
From Wikipedia, the free encyclopedia
რიწაშ ტობა (დიდი რიწა), (აფხ. Риҵа) — ტობა საქორთუოს, აფხაზეთის, წყარმალუ ბზიფიშ ღანჩოს, ზუღაშ დონეშე 884 მეტრას, სარკეშ ფართობი რე 1,49 კმ², ღანჩოშ ფართობი — 154 კმ², მოცულობა — 94 მლნ/მ³, მაქსიმალური სიტომბა - 101 მ. ქვიბიქ გიჭყჷ გაგრაშ ქჷნდჷრიშ ობჟათე-ბჟაეიოლ კართეშე გიმნანწყვი კირდესვიმონით, წყარმალუ ლაშიფსიშ ხვილუაშ გეშა.
რიწაშ ტობა | |
---|---|
![]() | |
კოორდინატეფი: | 43°28′53″ ო. გ. 40°32′29″ ბ. გ. |
ორენი | გუდაუთაშ მუნიციპალიტეტი |
სიმაღალა ზუღაშ დონეშე | 884 მ |
ფართობი | 1,49 კმ² |
მოცულობა | 94 კმ³ |
მაქსიმალური სიტომბა | პ101 მ |
ღანჩოშ ფართობი | 154 კმ² |
რიწაშ დონეეფიშ რეჟიმი იხურგუ მუში ნადუეფიში რეჟიმით. რიწაშ ტობას აკათუ ამშვი წყარმალუ. თე წყარმალუეფშე არძაშე უდიდაში რე ლაშიფსე. ტობაშე გიშმურს წყარმალუ იუფშარა. უდიდაში დონე მესის რე, უჭიჭაში — ფურთუთას. ეკენიას რე დონეშ მაჟირული მინიმუმი, გჷმათუთას მაჟირული მაქსიმუმი. დონეეფიშ წანური ძანძინიშ ოშქარი ამპლიტუდა 166 სმ. რე, მაქსიმალური 234 სმ, მინიმალური 108 სმ. წყარიშ ტემპერატურა ფრევალს - 3,8°C, მარაშინათუთას - 17.8°C. ოშქაშე წანური ნოლექი მეხოლ. 2000-2200 მმ-იე. ზოთონჯი ბორჯგიშაშქუმალირო თირამიე.
რიწაშ წყარი ძალამი ლიგე რე (66 მგ/ლ). გიშულირს მოწვანე ფერიშ რე, ზოთონც - მოცაშფერო-მოლებიშფერო რე. დინდარიე ფიტოპლანქტონით. ჩხომეფშე უჩქუ ხვალე კალმახა. რიწა უტომბაში ტობა რე მოლენკავკაციას. თიშ მუკე-მუკე გვალეფიშ სიმაღალა რე 2200-3500 მ შქას. ტობაშ მუკე-მუკე ლირსამი ნოჯეფიშ მიარესახეობა ფალუნს, ნამთინე თინეფშეიანიშ სიმაღალა 70 მეტრას ოჭირინუანს.
1946 წანას დირსხუ რიწაშ თხილერ ტერიტორიაქ (16.289 ჰა) ტობაშ დო თიში ელჷ-მოლიშ ორთაშ ოთხილარო. ზუღაშე ეშმალი ოტრანსპორტე შარაქ დოგაფილქ იჸუ 1936 წანას. ტობა შანულამი ტურისტული ოძირაფუობა რდჷ სხუნუეფიშ პერიოდის დო თიშ ოთოლიერებაფალო დღალურო 1000-შახ ტურისტი ეშმეშჷ.
იოსებ სტალინს ტობაშ ელჷ-მოლს ოზარხულე აგარაკი უღჷდ.