ამანდინა აურორა ლიუსილ დიუპენი, შინელი რე ფსევდონიმით ჟორჟ სანდი (ფრანგ. Amantine Lucile Aurore Dupin, ფსევ. George Sand; დ. 1 კვირკვე, 1804, პარიზი, საფრანგეთი — ღ. 8 მანგი, 1876, ნოან-ვიკი, საფრანგეთი) — ფრანგი ჭარუ, ნოველისტი დო ჟურნალისტი. რდჷ ევროპაშ ართ-ართი პოპულარული ავტორი დო ევროპული რომანტიზმიშ ართ-ართი თარი წჷმმარინაფალი.
ჟორჟ სანდი | |
| |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: |
მანგი 8, 1876 (71 წანერი) |
ღურაშ აბანი: |
ნოან-ვიკი, საფრანგეთი |
ერუანობა: | |
საქვარუა: | |
Magnum opus: |
ინდიანა (1832) |
ნინა: | |
ჟორჟ სანდიქ დებადჷ პარიზის, 1804 წანაშ 1 კვირკვეს. ბაღანობაშე ბები რდუნდჷ. 1822 წანას 18 წანერ სანდიქ ოსურო მიდაჸუნჷ ბარონ კაზიმირ დუდევანს. ჸუნდეს ჟირი სქუა. 1831 წანას სანდიქ ქომონჯი ქიმიოტუ. ჸათე ბორჯიშე, სანდიშ ცხოვრებას, იჭყაფჷ რომანტიკული არყებაშ პერიოდი. შხვადოშხვა პერიოდის სანდიშ ჸოროფილეფი დო სექსუალური პარტნიორეფი რდეს: ნოველისტეფი ჟიულ სანდო, პროსპერ მერიმე, დრამატურგი ალფრედ დე მიუსე, მსახიობი პიერ ბოკაჟი, პოეტი შარლ დიდიე, დრამატურგი ჟან-პიერ ფელისიენ მალფილი, პოლიტიკოსი ლუი ბლანი, კომპოზიტორი ფრედერიკ შოპენი.
1838-1839 წანეფს სანდი შოპენიწკჷმა ართო მალიორკაშ კარტეზიანულ მონასტერს ცხოვრენდჷ. ჸათე პერიოდის კომპოზიტორი უკვე ტუბერკულოზით რდჷ დალახებური. მალიორკას შარალუაშ დო რინაშ ეპიზოდეფს რე გერსხილი სანდიშ ავტობიოგრაფიული ნოველა "ზოთონჯი მალიორკას", ნამუქჷთ 1841 წანას გიშართჷ.
ჟორჟ სანდიქ ღურუ 1876 წანაშ 8 მანგის, 71 წანერქ. ნთხორილი რე ნოან-ვიკიშ სასაფლას.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.