![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/64/Leber_Schaf.jpg/640px-Leber_Schaf.jpg&w=640&q=50)
ორგანო
From Wikipedia, the free encyclopedia
ორგანო (ბერძენ. ანჯარი) — შხვადოშხვა ფუნქციაშ მაღვენი ნორშვეფიშ კათაფათ აკოქიმინელი სტრუქტურული ართული. ორგანოს უღუ წჷმოულობაშ დო გოვითარაფაშ დორხველური რზა (ფილოგენეზი დო ემბრიოგენეზი), დჷმახასიათაფალი ფორმა, ორგანიზმის უკებჷ გორკვიაფილი აბანი (ტოპოგრაფია) დო ახორციელენს დჷმახასიათაფალ ფუნქციას. ორგანოს ფუნქციაშ ომანგეთ თიშ აკმაქიმინალ ნორშვეფს შქას ართ-ართის უკებჷ მაჸვენჯი აბანი, ნამუთ ორგანოს მეთმეჩანს თიშ დჷმახასიათაფალ სტრუქტურულ სახეს, სამანგათ, კუთის თარი რე კუთოვანი ნორშვი, ყვილს — ყვილამი ნორშვი, დუდიშ ტვინს — ნერვული ნორშვი დო შხვა.
![Thumb image](http://upload.wikimedia.org/wikipedia/commons/thumb/2/2e/View_of_Viscera_Page_82.jpg/640px-View_of_Viscera_Page_82.jpg)
![Thumb image](http://upload.wikimedia.org/wikipedia/commons/thumb/6/64/Leber_Schaf.jpg/640px-Leber_Schaf.jpg)
თეჯგურა ნორშვეფი ორგანოეფიშ თარ ნორშვეფო რე მერჩქინელი, დოსქილადირი ნორშვეფი — დჷმახვარეთ. კანკალე ორგანოს მიმარსხუაფალი ნორშვი (მუჭოთ დჷმახვარე ნორშვი) ორგანოშ თარ ნორშვიშო აკმოქიმინუნს გიოპონალ ოსხირს, ანუ ლიბუ ჩონჩხის — სტრომას — stroma (ბერძნ. დინნაფინა), ნამუშ ხარხეფს შქას ოფირჩა აკოფშაფილი რე ნიფთიარობათ, ანუ პარენქიმით (parenchyma — ბერძენ. აკმაფშაფალი მასა); თეჯგურა ორგანოეფშა პარენქიმულ ორგანოეფი უჯოხონა (ჩხონჩხი, ფიჟვეფი, ტყილი, ჭაჭეფი, ჯარკვალამი ორგანოეფი).