From Wikipedia, the free encyclopedia
ობჟათე გეორგია დო ობჟათე სენდვიჩიშ კოკეფი (SGSSI) — კოკეფიშ ბუნა ობჟათე ატლანტიშ ოკიანეს, დასაბაღო დოშორაფილიე კონტინენტშე დო წჷმარინუანს დიდი ბრიტანეთიშ ტერიტორიას. თე კოკეფშე ეიოშანალი რე ობჟათე გეორგია, ნამუთ კონტინენტშე დოშორაფილი რე 520 კილომეტრით, კოკიშ ფართობი აკმადგინანს 3,903 კვადრატულ კილომეტრის.
თე ტერიტორტიას აბანური მახორობა ვახორანს, თაქ გონწყჷმილი რე დიდი ბრიტანეთიშ რკვიეფიშ პუნქტეფი. იდვალუაფუ დასაბაღო მორჩილი კოკი ჩიტი, სოდგათ იდვალუაფუ თე ტერიტორიეფიშ ადმინისტრაციული ცენტრი მაფა ედუარდ პოინტი.
კოკი ობჟათე გეორგიას მაართათ მიოგორეს ინგლისარეფქ 1675 წანას. მოგვიანაფილო, უკვე ინგლისარეფქ დიჭყეს თე კოკიშ გჷმორკვიაფა დო მუში ავანპოსტეფიშ დორცხუაფა. 1982 წანას დოჭყაფილ ფოლკლენდიშ ლჷმაშ ჟამს თე აბანქ ოკუპირაფილქ იჸუ არგენტინალეფიშე, მარა ლჷმაშ თებაშ უკული ობჟათე გეორგიაქ დო ობჟათე სენდვიჩიშ კოკეფქ კინი დიდ ბრიტანეთის დართჷ.
მუთ ოწაწჷ კოკი სენდვიჩის, თიშა მაართათ იჸუ მეგორაფილქ 1775 წანას ინგლისარ მეზუღურ ჯეიმზ კუკიშე.
თე კოკეფიშ ფაუნა გჷშაკერძაფილო დიდარიე. თე აბანეფი ბრელი იშვიათი ჯიშიშ ჩხოლარიშ შურობუმუ რე, თაქ ოხორანს მეხოლაფირო 120 000 სამაფო პინგვინი, თაშნეშე ეიოშანალიე: ალბატროსი, პინგვინი, ქარიშხალა (მაფურენჯი), პრიონი, მეზღვიაცალეფი დო თოლია.
დასაბაღო მიარეფერუანი რე კოკეფიშ გოხოლუაშ ზუღაშ ოქიანუ. თაქ ბრელი რე სელაპეფი დო ზვიგენეფი.
 |
 |
 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
