ნიასა (თაშნეშე მალავიშ ტობა) — ტობა აფრიკას. აშახვილჷ მალავიშ, მოზამბიკიშ დო ტანზანიაშ თანჯას. ფართობი აკმადგინანს 29 600 კმ²-ს. აფრიკას სიდიდათ მასუმა ტობა რე, მოსოფელიშ მასშტაბით — მაბრუო. სიტომბათ აფრიკაშ ტობეფს შქას მაჟირა რე. თე უდიდაში ტობაშ ტროპიკულ წყარეფს მიარე ჩხომიშ ბუნა ინოხე.
ნიასა | |
---|---|
![]() | |
დოხასიათაფა | |
კოორდინატეფი | 12°11′00″ ობჟ. გ. 34°30′00″ ელ. გ. |
სიგინძა | 560-580 კმ |
სიგანა | 75 კმ |
მაქსიმალური სიტომბა | 706 მ |
ოშქარი სიტომბა | 292 მ |
ინმალი წყარმალუ | რუჰუჰუ |
გჷშმალი წყარმალუ | შირე |
ტობაშ სიგინძა რე 560-580 კილომეტრეფს შქას, სიგანას არძაშე ფართო აბანი 75 კილომეტრი რე. ტობაშ წყარპიჯეფი იდვალუაფუ ბჟადალ მოზამბიკიშ, ბჟაეიოლ მალავიშ დო ობჟათე ტანზანიაშ ტერიტორიეფს. უდიდაში ინმალი წყარმალუ რე რუჰუჰუ. ტობაშე გუშმურს წყარმალუ შირე, ნამუთ უკული წყარმალუ ზამბეზის აკათუ.
ტობა იდვალუაფუ ტანგანიკაშ ტობაშე 350 კილომეტრით ბჟაეიოლშე.
პირველი ევროპალი მარკვიაფალი, ნამუქჷთ ტობაშ წყარპიჯეფს მიოჭირინდუ, რდჷ დეივიდ ლივინგსტონი 1859 წანას დო გიოდუ ტობას „ნიასა“. თეშ უკული, გვალო მალას, ტობაშ გოხოლუას დვალირი ტერიტორიეფი ბრიტანეთიშ იმპერიაქ ქიმკიართჷ დო დარცხუ კოლონია ნიასალენდი, მარა მალას ტობაშ ბჟაეიოლ წყარპიჯიშა პორტუგალიარეფქ გეჭოფეს კონტროლი.
ტობაშ უდიდაში ნორთი მალავიშ ტერიტორიას გეხვილჷ. დოხოლაფირო ნაოთხარი ორხველჷ მოზამბიკის. ტობაშ მოზამბიკიშ დორხველ ნორთის აშაძჷ ჟირი ჭიჭე დოხორელი კოკი — ლიკომა დო ჩიზუმულუ, ნამუეფით მალავის ორხველჷ. თე კოკეფს დიდი მუდანობათ ბაობაბი ირდუ.
ტობაშ გეოგრაფიული ჯოხოდვალა ამდღარშახ ონირზებელი რე. მალავი ჯინიანო თხულენს, ნამდა ტობას ქიგიადვას „მალავიშ ტობაქ“, მა ტანზანია დო შხვა ქიანეფიშ უმიარეშობა, თაშნეშე ოერეფოშქარე რუკეფი თე ტობას მიშინუანა, მუჭოთ „ნიასა“. ჯოხოდვალაშე ნირზის დავას გეოპოლიტიკური სარჩული უღუ დო მოურს 1964 წანაშე, მუჟამსჷთ მალავიქ ზოხორინელობა მიპალუ. ტერიტორიას თი ბორჯიშო კინე ნიასალენდი ჯოხოდჷ.
ტობას თანჯეფი მალავის დო ტანზანიას შქას ამდღარშა ნირზიშ საგანი რე. ტანზანია ითხინს, ნამდა სახენწჷფო თანჯაქ გინილას ტობაშ შქა ღოზის, მუჭოთ თენა გინმიშჷ 1914 წანას გერმანულ დო ბრიტანულ ტერიტორიეფს შქას. საგამოთ, მალავი ითხინს ტანზანიაშ წყარპიჯიშე ჭიჭეთ მოშორაფილ, ტობაშ დინოხოლენ წყარეფს.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.