მატრიცა (ფილმი)
From Wikipedia, the free encyclopedia
„მატრიცა“ (ინგლ. The Matrix) — 1999 წანაშ ფილმი, წკარით მაართა მატრიცაშ გეშა ფილმეფიშ სერიას. ფილმიშ რეჟისორეფი რენა ჯიმალეფი ვაჩოვსკეფი, თარი როლეფს არსულენა კიანუ რივზი, ლოურენს ფიშბორნი, კერი-ენ მოსი, უგო ვივინგი დო ჯო პანტოლიანო. ფილმიქ ააშ-ს გიშართჷ 1999 წანაშ 31 მელახის, ავსტრალიას - თი წანაშ 8 პირელს.
მატრიცა | |
ჟანრი: |
კიბერპანკი |
---|---|
სცენარიშ ავტორი: | |
თარ როლეფს: |
კიანუ რივზი |
კომპოზიტორი: |
დონ დეივისი |
მონტაჟი: |
ზექ სტენბერგი |
კინოსტუდია: |
Village Roadshow Pictures |
ქიანა | |
ნინა: | |
მუშნალი: |
$ 463,517,383 მლნ |
გეჸვენჯი: |
მატრიცა: გინოხურგუა |
ფილმის მოთხობელირი რე კოჩიშობაშ მუმალ ბორჯიშ გეშა, სოდეთ სინანდულა, ნამუსით მართუნა ადამიერეფი, ვირტუალურ სახე უღუ. მუჟამსით ათე ირფელს მიოგორუანს, კომპიუტერული პროგრამისტი შხვა ჯოხოთ „ნეო“ ოკათჷ მანქანეფიშ აწმარინეთ ბუძოლს. თის ოხვარუნა შხვა გერგეზეფით, ნამუეფიშ ღანკის კოჩიშობაშ „სიზმარეფიშ მოსოფელიშე“ გოდუდიშულაფა რე.
ფილმის რე კიბერპანკიშ დო ჰაკერული სუბკულტურეფიშ ელემენტეფი, ისიმუაფჷ ფილოსოფიური დო რელიგიური იდეეფიშ რჩქილუა. თის ხოლო რე შხვადოშხვა ლიტერატურული ნახანდეფიშ (მაგალითო, „ალისა ომენცარობეფიშ ქიანას“), ჰონგ კონგიშ წარმებული ფილმეფიშ, ვესტერნეფიშ, დისტოპიური ლიტერატურაშ ვარდა იაპონური ანიმაციაშ ელემენტეფი.