ქორთული ლარი

ქორთული ლარი; ქართული ლარი
კოლაჟი
კოდი ISO 4217	GEL
ქიანა	საქორთუო
ოფიციალური; მახვარეეფი	საქორთუო
აკმოდირთუ	100 თეთრშე
სიმბოლო	₾
ხურდეფი	5, 10, 20, 50 თეთრი, 1, 2 დო 10 ლარი
ბანკნოტეფი	1, 2, 5, 10, 20, 50, 100, 200, 500 ლარი
ცენტრალური ბანკი	საქორთუოშ ერუანული ბანკი
ვებ-ხასჷლა	www.nbg.gov.ge
	თირუაფონი კურსი ; ( 14 ფურთუთა 2016 წანაშ)
1 USD	= 2.4806 GEL
1 EUR	= 2.8003 GEL
1 GBP	= 3.6100 GEL
1 RUB	= 0, 0312 GEL

ქორთული ლარი — გინოგაფაშ აკა კანონიერი შარა საქორთუოშ ტერიტორიას, დუდიშული ინდუსტრიული ზონეფიშ გეშა საქორთუოშ კანონით გოთოლისწორაფილი შვანეფიშ მოხ, 1995 წანაშ 2 გჷმათუთაშე^[1]. ერუანულ ბანკის ნება უღუ, განახორციელას საქორთუოშ ტერიტორიას ფარაშ შანეფიშ გიშაშქუმალა. თაშნეშე, ერუანულ ბანკის ექსკლუზიური ნება უღუ, დამზადაშ მიმოულაშო ვარდა შხვა ღანკით, ოშუენე ფარაშ შანეფი.

ბიწორი ფაქტეფი ქორთული ლარი ქართული ლარი ...

კილუა

ზიტყვა „ლარი“, ნამუქჷთ გიშეგორჷ ქორთული ეუანული ვალუტაშ თარი ართულიშ ჯოხოდვალათ, ჯვეში ქორთული ზიტყვა რე დო შანენს ზოგადო განძის, ქონებას. ჯოხოდვალა „ლარი“ ქორთული ფარაშ ართულიშ ჯოხოდვალათ 1991 წანაშ წჷმარინუ აკადემიკოსი ვასილ ჩანტლაძექ მინისტრეფიშ კაბინეტიშო აკოქიმინელ პროექტის.

ერუანული ბანკიშ სხუნუ გჷთმოთანჯუნს დო ანტკიცენს ლარიშ ბანკნოტეფიშ დო ხურდეფიშ დიზაინს, აკოდგინალუას დო შხვა მახასიათაფალეფს, მუშეთ იჭყაფუ ფარაშ შანეფიშ ბეშტუა დო მოჭკირუაშ პროცესშა გოტება. ქორთული ფარაშ შანეფი მაჸვენჯ ევროპულ ორგანიზაციეფს იზადებუ.

საქორთუოშ ტერიტორიას ზათი ფარაშ შანეფიშ ტრანსპორტირებას დო უკული ერუანული ბანკშა ოთხილუშა მეღალა დო თინეფიშ ჩუალას ერუანული ბანკი ულუანს. მახორობას ფარაშ შანეფი კომერციული ბანკეფიშ მეშქაშობათ მიაჭირინუაფუ.

საქორთუოშ ერუანული ბანკი სისტემატურო ახორციელენს ხვარებაშო უგმურინე ფარაშ შანეფიშ მიმოულაშე ეშაღალას დო თინეფიშ გოთირუას ომანგე მუდანობაშ ახალი ხურდეფით დო ბანკნოტეფით. უგმურიე ფარაშ შანეფიშ ჯალაგუა ეუანული ბანკიშ სხუნუშით დოდგენილი წესიშ მეჯინათ მეურს.

1999 წანას სრულყოფაშ თოლწონუათ მოდიფიცირებულ იჸუ 1995 წანაშ ემისიაშ არძა ნომინალიშ ბანკნოტეფი, 2002 წანას 1999 წანაშ ემისიაშ ხვალე 1, 2, 5, 10 დო 20 ლარიშ ღირებულებაშ ბანკნოტეფი, 2004 წანას - 50 დო 100 ლარიშ ღირებულებაშ ბანკნოტეფი.

ხურდეფი

კილიშკილი ინფორმაცია 1993 წანაშ სერია, სურათი ...

1993 წანაშ სერია
სურათი		ნომინალი	ზჷმა (მმ)		წონა (გრ)	გიშაშქუმალაშ თარიღი	ეჭარუაა
ავერსი	რევერსი	ნომინალი	დიამეტრი	სისქა	წონა (გრ)	გიშაშქუმალაშ თარიღი	ავერსი	რევერსი
		1 თეთრი	15,0	1,25	1.38	1993	ჟილენი ნორთი — ცირფი „1", თიშ თუდო მუკნაჭარა — „თეთრი" დო ვაზიშ ლერწი. კიდას წირული ფორმათ მოლუაფირი აფუ ართჸურე მეწურაფილი რუში.	შქას გჷმიხანტუაფუ ბორჯღალი (ბჟაშ სიმბოლო) დო ხურდაშ მოჭკირუაშ თარიღი – „1993“. კიდას წირული ფორმათ გოჸუნს ქორთულ-ინგლისური მიკნაჭარა — „საქართველოს რესპუბლიკა", „REPUBLIC OF GEORGIA".
		2 თეთრი	17,5	1,25	1,9	1993	ჟილენი ნორთი — სუაეკინელი ფარშავანგი, თიშ თუდო მუკნაჭარა — „თეთრი" დო ცირფი „2". კიდას წირული ფორმათ მოლუაფირი აფუ ართჸურე მეწურაფილი რუში.	შქას გჷმიხანტუაფუ ბორჯღალი (ბჟაშ სიმბოლო) დო ხურდაშ მოჭკირუაშ თარიღი – „1993“. კიდას წირული ფორმათ გოჸუნს ქორთულ-ინგლისური მიკნაჭარა — „საქართველოს რესპუბლიკა", „REPUBLIC OF GEORGIA".
		5 თეთრი	20,0	1,32	2,5	1993	ჟილენი ნორთი — ორქოშ ნჯილოშ ნაჭახნაკუ ალაზანიშ ველიშ ჯვ. წ–აშ III ვითოშწანურაშ ყორღანშე, თიშ თუდო — ცირფი „5" დო მუკნაჭარა „თეთრი". კიდას წირული ფორმათ მოლუაფირი აფუ ართჸურე მეწურაფილი რუში.	შქას გჷმიხანტუაფუ ბორჯღალი (ბჟაშ სიმბოლო) დო ხურდაშ მოჭკირუაშ თარიღი – „1993“. კიდას წირული ფორმათ გოჸუნს ქორთულ-ინგლისური მიკნაჭარა — „საქართველოს რესპუბლიკა", „REPUBLIC OF GEORGIA".