![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/DirkvdM_irazu_4.jpg/640px-DirkvdM_irazu_4.jpg&w=640&q=50)
კრატერული ტობა
კრატერს ინოდგინელი ტობა, კრატერიშ ტიპიშ უმკუჯინალო / From Wikipedia, the free encyclopedia
კრატერული ტობა ვარ-და ვულკანური ტობა — ტობა, გოჭყაფილი ვულკანური კრატერიშ, კალდერაშ, მაარიშ ვარ-და გენთხაფური კრატერიშ წყარით გოფშაფაშ რზათ. თიშ გეშა, ნამჷ-და კრატერს, მუჭოთ წესი, უღჷ წირეშ ფორმა დო მაღალი კიდალეფი, კრატერულ ტობას უღჷ ჭიჭე ინაკათუეფი დო უმენტაშო ვაუღჷ წყალმარული გიმნაველი. კრატერი რჩქვანელობურო გითმიფშაფჷ ჭვემაშ წყარით (მაარეფი - გრუნტიშ წყარეფით) დო წორწალას ოჭირინუანს მიშაკათინიშ დო აორქაფაშ შედეგო. ბორჯიშ გოძვენას ეროზიაშენ შილება გიჭყას დიხაშჟილენ მალობაქ დო წყარმითაკათაფუთჷქ, მუჭო სამანგათ ტაუპოშ ტობა ახალ ზელანდიას, ნამუსჷთ მეუტს წყარმალუ უაიკატო.
![Thumb image](http://upload.wikimedia.org/wikipedia/commons/thumb/9/94/DirkvdM_irazu_4.jpg/640px-DirkvdM_irazu_4.jpg)
![Thumb image](http://upload.wikimedia.org/wikipedia/commons/thumb/7/76/Wenchi_ethiopia.jpg/320px-Wenchi_ethiopia.jpg)
![Thumb image](http://upload.wikimedia.org/wikipedia/commons/thumb/6/67/Cuicocha%2C_Ecuador.jpg/640px-Cuicocha%2C_Ecuador.jpg)
![Thumb image](http://upload.wikimedia.org/wikipedia/commons/thumb/9/9f/Pinatubo_Crater_Lake_%28052005%29.jpg/320px-Pinatubo_Crater_Lake_%28052005%29.jpg)
![Thumb image](http://upload.wikimedia.org/wikipedia/commons/thumb/a/ab/Bosumtwi_Worldwind_SW.jpg/640px-Bosumtwi_Worldwind_SW.jpg)
ვულკანურ კრატერს წყარი კანკალეშა იკათუანს მიშნასვარეფს, ნამჯშ გეშა ტობას თელარა უშულებუ რე. თეშნერო შხირას გოფერადაფილი, ბჟეფით გონჯღილირი ტობეფიშ სამანგეფი რე რინკონ-დე-ლა-ვიეხა დლ ირასუ კოსტა-რიკას. ნოშქერჟირჟანგიშ მაკათურალა შილებე იჸუას თაშნეშე ძალამ მაღალქ დო გჷნირთას ლიმნოლოგიური კატასტროფაშ ბაძაძო, მუჭოთ მოხვადჷ ნიოსიშ ტობასჷნ, კამერუნს.