![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4e/Carl_Sandburg_NYWTS.jpg/640px-Carl_Sandburg_NYWTS.jpg&w=640&q=50)
კარლ სენდბერგი
From Wikipedia, the free encyclopedia
კარლ ავგუსტ სენდბერგი (ინგლ. Carl August Sandburg; დ. 16 ღურთუთა, 1878, გეილსბერგი, ილინოისი, ააშ — ღ. 22 კვირკვე, 1967, ფლეტ-როკი, ოორუე კაროლინა, ააშ) — ამერიკალი პოეტი, ჭარუ, ბიოგრაფი, ჟურნალისტი, სცენარისტი დო ისტორიკოსი. სუმშა მიპალუ პულიცერიშ პრემია, ჟირშა პოეზიაშო დო ართიშა აბრაამ ლინკოლნიშ ბიოგრაფიაშო. შინელი რე პოეტური კათელეფით: "ჩიკაგოშ პოემეფი", "კუმა დო ფულანდი", გინძე პოემათ "ხარხი, იახა", ბიოგრაფიული ნახანდით აბრაამ ლინკოლნიშ გეშა დო ბაღანეფიშ თხობელუეფით.
კარლ სენდბერგი | |
![]() კარლ სენდბერგი 1955 წანას | |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: |
კვირკვე 22, 1967 (89 წანერი) |
ღურაშ აბანი: |
ფლეტ-როკი, ოორუე კაროლინა, ააშ |
ერუანობა: | |
საქვარუა: |
პოეტი, ჭარუ, ბიოგრაფი, ჟურნალისტი, სცენარისტი, ისტორიკოსი |
Magnum opus: |
|
ნინა: | |
ჯილდოეფი: |
პულიცერიშ პრემია (1919, 1940, 1951) |
დებადჷ ნოღა გეილსბერგის, შვედეფიშ ფანიას. 13 წანერი რდუნ თეშ სკოლა ქიმიოტუ დო მუშენდჷ შხვადოშხვა პროფესიათ. გურაფულენდჷ ლომბარდ-კოლეჯის, ნამუთ ვაუთებუ. უკულიან ბორჯის მუშენდჷ გაზეთი Chicago Daily News-იშ ჟურნალისტო. უკულიან პერიოდის დეინტერესჷ ჭარალუათ. 1910-იან წანეფიშე ოცხოვრებშა ვისკონსინშა გეგნორთჷ, სოდეთ ქაკათჷ ამერიკაშ სოციალისტურ პარტიას. 1910-1912 წანეფს რდჷ მილუოკიშ სოციალისტი მერიშ ემილ სეიდელიშ მელამოსე. შხვადოშხვა პერიოდეფს სენდბერგი ცხოვრენდჷ მიჩიგანს, ილინოისის, უკულ ოორუე კაროლინას. ღურუ 1967 წანაშ 22 კვირკვეს, 89 წანერქ.