![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/11/Queen_Elizabeth_II_official_portrait_for_1959_tour_%2528retouched%2529_%2528cropped%2529_%25283-to-4_aspect_ratio%2529.jpg/640px-Queen_Elizabeth_II_official_portrait_for_1959_tour_%2528retouched%2529_%2528cropped%2529_%25283-to-4_aspect_ratio%2529.jpg&w=640&q=50)
ელისაბედ II
გოართოიანაფილი ომაფეშ დო ერეფიშ წორომაჸალობაშ დიაფალი 1952-2022 წწ. / From Wikipedia, the free encyclopedia
თიში ომაფე უდიდაშულობა დიაფალი ელისაბედ II უინძორი (ინგლ. Queen Elisabeth II, Elizabeth Alexandra Mary Windsor; დ. 21 პირელი, 1926, ლონდონი - ღ. 8 სექტემბერი, 2022) — რდჷ კაბეტი ბრიტანეთიშ დო ოორუე ირლანდიაშ გოართოიანაფილი ომაფეშ მამართალი დიაფალი დო სახენწჷფოშ მადუდე, ხვისტაშა ეშართჷ 1952 წანაშ 6 ფურთუთას, გჷრგინი გიდგჷ 1953 წანაშ 2 მანგის დო მართუნდჷ ღურა დღაშა. თაშნეშე რდჷ წორომაჸალობაშ 14 სახენწჷფოშ მადუდე (ავსტრალია, ანტიგუა დო ბარბუდა, ბაჰამეფი, ბელიზი, გრენადა, კანადა, ახალი ზელანდია, პაპუა-ახალი გვინეა, სენტ-ვინსენტი დო გრენადინეფი, სენტ-კიტსი დო ნევისი, სენტ-ლუსია, სოლომონიშ კოკეფი, ტუვალუ, იამაიკა), ანგლიკანური ოხვამეშ მადუდე, აკოანჯარაფილი ნძალეფიშ თარსარდალი დო კოკი მენიშ ლორდი. 2021 წანაშ 30 გერგობათუთაშახ რდჷ ბარბადოსიშ სახენწჷფოშ მადუდე.
დიაფალი ელისაბედ II | |
ინგლ. Queen Elizabeth II![]() | |
![]() | |
ელისაბედ II, 1959 წანა | |
![]() ![]() | |
დუდალ. დაჭყაფუ: | 6 ფურთუთა, 1952 |
---|---|
დუდალ. დათებუ: | 8 ეკენია, 2022 |
კორონაცია: | 2 მანგი 1953 |
წიმოხონი: | ჯორჯ VI |
მონძე: | ჩარლზ III |
დაბ. თარიღი: | 21 პირელი, 1926 |
დაბ. აბანი: | ლონდონი, გოართოიანაფილი ომაფე |
ღურ. თარიღი: | 8 ეკენია 2022 (96 წანერი) |
ღურ. აბანი: | ბალმორალიშ დოხორე, აბერდინშირი, გოართოიანაფილი ომაფე |
ალმასქუ: | ჰერცოგი ფილიპი |
სქუალეფი: | 4 |
ედომუშამი ჯოხო: | ელისაბედ ალექსანდრა მერი |
დინასტია: | უიონძორი |
მუმა: | ჯორჯ VI |
ნანა: | ელისაბედ ბოუზ-ლაიონი |
რელიგია: | ანგლიკანი |
ხეშმოჭარუა: | ![]() |
![Thumb image](http://upload.wikimedia.org/wikipedia/commons/thumb/6/60/Personal_flag_of_Queen_Elizabeth_II.svg/320px-Personal_flag_of_Queen_Elizabeth_II.svg.png)
ელისაბედიქ დებადჷ 1926 წანაშ 21 პირელს, იორკიშ ჰერცოგ ჯორჯიშ დო თიში ჩილიშ, ელისაბედიშ ფანიას. გონათუა მიღჷ დოხორეს. მუმამუშიქ ხვისტაშა ეშართჷ 1937 წანას, თიში მონძე ზუსტას ელისაბედი რდჷ. 1947 წანას ელისაბედიქ ჩილო ქაჸუნჷ ჰერცოგ ფილიპის დო თიშე ჸუნდუ ოთხი სქუა: ჩარლზი, ანა, ენდრიუ დო ედუარდი.
ელისაბედ II — ხანით არძოშე უნჩაში ბრიტანალი (ინგლისარი) მონარქი რდჷ ისტორიას. ელისაბედი II, ბრიტანეთიშ ხვისტაშ რეკორდსმენო დოსქიდჷ მაფობაშ ბორჯიშ განწეობათ[1][2], შხვეფს შქას, მოსოფელს მაჟირა აბანი უკებუფჷ, არძო თიმბორჯიან სახენწჷფოშ მადუდეეფიშ შქას (ტაილანდიშ მაფა პხუმიპნ ადულიადეტიშ უკული). მოსოფელს არძოშე ხანერი ოსური რდჷ — სახენწჷფოეფიშ მოქიმინჯე მადუდეეფს შქას, ევროპას — არძოშე ხანერი სახენწჷფოშ მოქიმინჯე მადუდე რდჷ. ელისაბედ II მაფენდჷ 70 წანაშ დო 214 დღაშ განწეხანს.