![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f2/Gustav_Mahler_1909_2.jpg/640px-Gustav_Mahler_1909_2.jpg&w=640&q=50)
გუსტავ მალერი
From Wikipedia, the free encyclopedia
გუსტავ მალერი (დ. 7 კვირკვე, 1860. კალიშჩი, ბოჰემია — ღ. 18 მესი, 1911. ვენა) — ავსტრიალი კომპოზიტორი დო დირიჟორი. თინა მუშ თელარაშ ბორჯის აღიარეს უუჯგუშაშ დირიჟორო. თეწკჷმა ართო, მალერი გვიანი რომანტიზმიშ ართ-ართ არძაშე შანულამ წჷმმარინაფალო იკოროცხუ, მარათიშ მუსიკას, მალერიშ თელარას, ვენაშ ისტებლიშმენტი ირო ვეჭყოლოფუანდჷ. თიქ ჭარჷ 10 სიმფონია (მა-10-ქ უთებუთ ქჷდოსქიდჷ) დო მუსხირენ კოლექცია ბირეფიშ ორკესტრიშ ალარინათ. თინა ძალამო რდჷ დოინტერესაფილი გერმანული ფოლკლორული ბირეფით. თეშ გეშა თიქ მიოგორუ ახალი მოხუჯურეფს თუ მუჭო გიმურინუაფუდეკონ ფოლკლორული ბირეფი საორკესტრო სიმფონიეფსინ. თიში ართ-ართი უუჯგუშაში ნახანდი რე Das Lied von der Erde (დიხაუჩაშ ბირა), სოდე ბირა წჷმორინელი რე სიმფონიაშ სახეთ. თინა თაშნეშე გიშარჩქინელი დირიჟორი რდჷ. კომპოზიტორიშ დოინალაფათ, ვენაშ ოპერაქ მოსოფელიშ აღიარაფა დო პოპულარობა მუპალუ.