![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/26/The_British_Empire.png/640px-The_British_Empire.png&w=640&q=50)
გოართოიანაფილი ომაფეშ კოლონიეფი
From Wikipedia, the free encyclopedia
მოჩამილ ერკებულს წჷმორინაფილი რე მოსოფელიშ არძა ტერიტორია, ნამუთ ნამდგაინ ბორჯის ინგლისიშ (ბრიტანეთიშ) მონარქიაშ პიჯური დოჸუნალას ვარდა გოართოიანაფილი ომაფეშ, ინგლისიშ კოლონიურ ვარდა დოჸუნალაშ შხვა ფორმას რდჷნ. თე ტერიტორიეფი ისტორიულო ბრიტანეთიშ იმპერიაშ დორხველობას რე.
![Thumb image](http://upload.wikimedia.org/wikipedia/commons/thumb/3/33/British_Empire_evolution3.gif/640px-British_Empire_evolution3.gif)
![Thumb image](http://upload.wikimedia.org/wikipedia/commons/thumb/2/26/The_British_Empire.png/640px-The_British_Empire.png)
1876 წანაშე 1947 წანაშახ, გოართოიანაფილი ომაფეშ მონარქის თაშნეშე ინდოეთიშ იმპერატორიშ (იმპერატრიცაშ) ტიტული უღუდჷ. ასეიან ბორჯიშ დიაფალი ელისაბედ II 16 სახენწჷფოშ მონარქი რე (ქძ. ერეფიშ წორომაჸალობა).
კოლონიაშ მართუალაშ ორგანიზაცია ბორჯიშ დო ოფირჩაშ შქას ითირუდჷ, მარა 1920-იანი წანეფიშ დგომარობაშო (არძაშე უდიდაში გოფართინაფაშ ბორჯი) შილებე იკლასიფიცირას გეჸვენჯი კატეგორიეფით:
- კინე მუ გოართოიანაფილი ომაფე - ინგლისიშ, უელსიშ, შოტლანდიაშ დო ირლანდიაშ რსხუ (1922 წანაშე - ხვალე ოორუე ირლანდია);
- ოგვირგვინე დიხეფი (კოკი მენი, ჯერსი დო გერნსი);
- ოხორინე კოლონიეფი. ომაფე გვირგვინი თე ტერიტორიეფშა მუში აბსოლუტურ სუვერენიტეტის აცხადენდჷ, თიშ უმკუჯინალო, ნამჷ-და თინეფი გოართოიანაფილი ომაფეშ აკოდგინალუაშა ვენშმიშესინ. თე ტერიტორიეფს გიფაჩჷ ბრიტანულ საართო წესეფქ დო კანონეფქ, ნამუსჷთ ბრიტანეთიშ პარლამენტი ღებულენდჷ. ომაფე ხეშუულებას გჷმოხანტუნდჷ გუბერნატორი, ნამუსჷთ დჷთმარინუანდჷ ბრიტანეთიშ თარობა;
- ოღვენჯე კოლონიეფი, ნამუთ არსებენდეს ამერიკას XVI-XVII ოშწანურეფს. ომაფე გვირგვინი თინეფს აჩუქენდჷ ომართალო ზოხო არისტოკრატეფს ;
- კოლონიეფი, ნამუსჷთ კომპანიეფი მართჷნდეს. მაართა რანწკის - ბრიტანეთიშ ოსტ-ინდოეთიშ კომპანია. თაშნეშე არსებენდჷ მუსხირენ უმოს მორჩილი კომპანიეფი აფრიკას;
- პროტექტორატეფი. ფორმალურო ისხუნუაფუდჷ, მუჭოთ ურცხოური სახენწჷფო ურცხოური თარობაშ დუდალათ. მარა, პროტექტორატი უარენდჷ ურცხოურ სახენწჷფოეფწკჷმა ზოხორინელი ურთიართობეფიშ ღვენჯობა, თაშნეშე არსებენდჷ ბრიტანეთიშ თაობაშ შანულამი კათაფა პროტექტორატიშ დინოხოლენ საქვარეფშა;
- დომინიონეფი. გორჩქინდეს XX ოშწანურაშ დაჭყაფუს, მუჭოთ ჸოფილი ოხორინე კოლონიეფი ვარდა ფედერაციეფი;
- სამანდატო ტერიტორიეფი. გორჩქინდეს მაართა მოსოფელიშ ლჷმაშ უკული დო ნამუთ წჷმარინუანდეს ჸოფილ გერმანიაშ იმპერიას დო ოსმალეთიშ იმპერიაშ ჸოფილ ერუანულ აკანეფს, ნამუთ ბრიტანეთიშ მართუალაშ გიმე გინაჩჷ ერეფიშ ლიგას.
![Thumb image](http://upload.wikimedia.org/wikipedia/commons/thumb/2/28/British_Empire_1897.jpg/640px-British_Empire_1897.jpg)